Përplasje e fortë në studio: Feliks Bilani-Elton Tozajt: unë e di që ti je rrotë ka*i

Një incident i papritur tensioni ka ndodhur gjatë transmetimit live të emisionit Zgjohu me MCN, duke kthyer diskutimin në studio në një përplasje të ashpër verbale mes të ftuarve.

Në lidhje Skype ishte ish-banori i Big Brother Albania, Elton Tozaj, ndërsa në studio i ftuar ishte fotografi Feliks Bilani. Tema e diskutimit lidhej me një çështje të ndjeshme që shpesh shkakton debate në marrëdhëniet në çift: miqësitë e ngushta të partnerëve me persona të tjerë.

Fillimisht, biseda u zhvillua në mënyrë të qetë, me secilin të ftuar që shprehte këndvështrimin e tij. Megjithatë, situata nisi të tensionohej në momentin kur Bilani ndërhyri gjatë argumentimit të Tozajt, duke i thënë se po i drejtohej “personit të gabuar” për këtë temë. Kjo deklaratë duket se u interpretua si provokuese dhe ndikoi në përshkallëzimin e debatit.

Momenti kulmor erdhi kur Tozaj reagoi me një nënqeshje, veprim që nuk u prit mirë nga fotografi. I irrituar, Bilani u ngrit nga vendi, përdori gjuhë fyese ndaj Tozajt,(O Elton unë e di që ti je rrotë ka*i) dhe hoqi mikrofonin, duke u larguar nga studio në mes të emisionit.

Ngjarja krijoi një atmosferë të tensionuar dhe të sikletshme në studio, ndërsa drejtuesit e programit u detyruan të ndërhyjnë për të qetësuar situatën dhe për të vijuar transmetimin. Pamjet e incidentit janë komentuar gjerësisht në rrjetet sociale, duke nxitur reagime të shumta nga publiku, teksa komentojnë se raste të tilla po bëhen gjithnjë e më të shpeshta kohëve të fundit.