Pas ndarjes nga e fejuara, zbulohet e dashura e re e fituesit të ‘BBA’

Nata e Shën Valentinit ka sjellë një zhvillim të ri në jetën personale të moderatorit dhe ish-fituesit të “Big Brother”, Vesel Kurtishaj, i cili ka konfirmuar publikisht se është në një lidhje të re dashurie. Vetëm pesë muaj pas ndarjes së bujshme nga ish-e fejuara, Veseli zgjodhi pikërisht festën e të dashuruarve për të zbuluar se zemra e tij është sërish e zënë, duke bërë atë që në rrjetet sociale njihet si një “soft launch” i romancës së re.

Moderatori publikoi në rrjetet sociale një fotografi bardh e zi nga një darkë intime, ku shfaqej partnerja e tij e re, Rreze Kuçi. Postimi u shoqërua vetëm me një emoji trëndafili, duke lënë fillimisht vend për kuriozitet dhe spekulime nga ndjekësit.

Megjithatë, misteri nuk zgjati shumë. Vetë Rreze Kuçi e ripostoi fotografinë, duke e shoqëruar me një përqafim virtual, gjë që konfirmoi publikisht lidhjen dhe vulosi statusin e tyre si çifti më i ri në showbiz.

Ky veprim publik duket se tregon se Kurtishaj e ka mbyllur përfundimisht kapitullin e kaluar në jetën e tij sentimentale dhe po e jeton hapur këtë romancë të re. Zgjedhja për ta bërë publike lidhjen në një datë simbolike si 14 shkurti u interpretua nga ndjekësit si një sinjal i qartë për seriozitetin e marrëdhënies.