showbiz

“Nuk kam operacione plastike, as botox, as filler”, Bora Zemani: Dikur isha 30kg më shumë

Moderatorja e suksesshme Bora Zemani është një ndër emrat më të përfolur të vitit 2022 dhe duket se do të vazhdojë të qëndrojë në qendër të vëmendjes për një kohë të gjatë. Pak ditë më parë, ajo vendosi t’u përgjigjej disa pyetjeve që ndjekësit i bënë në Instagram ku përveç planeve të së ardhmes ceku edhe temën e operacioneve plastike, të cilat i ka mohuar gjithmonë.

Ishte pikërisht kjo përgjigje e saj e cila ngriti në këmbë rrjetin, ndaj Bora doli publikisht me një tjetër deklaratë. Moderatorja reagoi me anë të një story të gjatë në Instagram se nuk kishte bërë botoks dhe operacione plastike, por vetëm filler-a. Për momentin, ajo shpjegon se filler-at i ka hequr, por nuk e heq mundësinë se në të ardhmen mund t’i bëjë sërish.

Të lidhura

None found

Postimi i plotë në story

“Nuk do kisha asnjë kompleks për ta pranuar nëse do i kisha sepse nuk jam kundër tyre. Aq më tepër që një njeri nuk e vlerësoj kurrë nga pamja e jashtme sepse nuk mendoj se ka ndonjë meritë një njeri i bukur, aq më tepër të shash një njeri për pamjen e tij kur është diçka që nuk e ka patur kurrë në dorë. Sot janë gjëja më normale dhe shumë vajzave i kanë dhënë edhe më shumë vetëbesim. Ndihen më mirë me veten dhe kjo është e rëndësishme. Dhe meqënëse kurioziteti qenka kaq i madh për mua, madje përgjigjet quhen gënjeshtër, po tregohem më konkrete.

Operacione plastike – asnjë
Botox – jo
Filler – për momentin jo. I kam bërë më parë, i kam shkrirë, i kam bërë prapë, i kam shkrirë prapë dhe nëse do dua një ditë, do i bëj prapë.

Nuk ka asgjë të keqe të kujdesesh për veten, të përmirësosh pamjen tënde që nga ngjyra e flokëve, thonjtë, veshjet etj dhe sot janë mundësitë pafund. Ndryshim kam patjetër në këto vite që jam në TV. Përveç mënyrës së grimit që ka ndryshuar totalisht, në gjithë këto vite kam qenë edhe 30kg plus edhe momente të tjera shumë nënpeshë. Flokë të gjatë, të shkurtër, të zeza, bjonde, çokollatë, vetulla të holla, të plota dhe ndryshime shumë të dukshme.

Dhe për më tepër krahasimi i fotove të vjetra të shkrepura me një mimikë të caktuar me fotot sot duke pozuar, e grimuar dhe foto të punuar, nuk vlen! Por gjithsesi në fund them që një njeri të bukur nuk e bën as hunda, as buza, as gjoksi, por sjellja, siguria në vete, plotësimi i vetes, zhvillimi, dashuria që merr nga njerëzit e dashur etj. Këto të japin qetësinë dhe pamjen më të bukur.

P.S: Kur shoh veten vite më parë ajo që vë re më shumë është frika. Dukem e trembur dhe e pasigurt (isha e vogël, s’kisha faj). Prandaj goca nëse bëni diçka për të përmirësuar pamjen tuaj, bëjeni! (me shumë kujdes dhe tek njerëzit e duhur). Por mos harroni të përmirësoni veten në të gjitha drejtimet!”

të fundit

Homazhe për Arben Sejdiun në përvjetorin e rënies, ceremonia mbahet në Kompleksin Memorial në Koshare

Me rastin e përvjetorit të rënies së veteranit dhe bashkëluftëtarit Arben Sejdiu, familja dhe bashkëluftëtarët e tij kanë organizuar homazhe…

2 minutes ago

Powerful fire at candy factory in Indonesia leaves 3 dead and 36 missing

Të paktën tre persona kanë humbur jetën dhe 36 të tjerë rezultojnë të zhdukur pas një zjarri të madh që…

12 minutes ago

BIRN: Durrës forgets the earthquake, uncontrolled interventions in apartment buildings bring back the risk, local authorities have not implemented decisions to…

Gati shtatë vjet pas tërmetit që shkaktoi 51 viktima, qindra të plagosur dhe miliona euro dëme, ndërhyrjet në apartamente dhe…

12 minutes ago

Sonila Meço: Përtej dhimbjes për Krasniqin, duhen nxjerrë përgjegjësit e Gjykatës Speciale

Gazetarja shqiptare, Sonila Meço, ka reaguar pas pamjeve të ish-kryetarit të Kuvendit të Kosovës, Jakup Krasniqi, i cili nuk u…

12 minutes ago

Dense fog engulfs Burrel-Skuraj road, making traffic difficult

Ditën e sotme, mjegulla e dendur ka pushtuar aksin nacional Burrel–Skuraj, duke vështirësuar ndjeshëm qarkullimin e automjeteve, duke rritur rrezikun…

13 minutes ago

B-2 pilots’ testimonies from the secret American operation against Iran: “My God, it’s Tehran!

Detaje të reja nga operacioni ushtarak amerikan “Midnight Hammer”, i ndërmarrë në qershor të vitit 2025 kundër objekteve bërthamore të…

13 minutes ago