Nuk e ka prezantuar asnjëherë! Motra nga babai përlot Neda Ballukun në studio

Ndoshta nuk e keni ditur se Neda Balluku ka dy motra dhe se ka një marrëdhënie speciale me to. Kjo është zbuluar sot në ‘Ftesë në 5’ teksa ka marrë një surprizë nga dy gratë e rëndësishme në jetën e saj, dy motrat.

Teksa ka treguar se si ka arritur të mbledhë gjithë informacionin e nevojshëm për librin e saj të dytë, “Të parat”, Neda ka shtuar se një ndihmesë e madhe për të ka qenë bashkëshorti, Orgeni, i cili ka asistuar me kujdesin ndaj fëmijëve.

Një moment i cili e ka surprizuar Nedën edhe më tepër, ka qenë videomesazhi nga motra nga babai.

“Ti, Neda Balluku, e para që më ka mësuar që çdo gjë vërvitet për pak dashuri. Ti, e para ngjyrë për mua. Suksese motra”, është shprehur motra e Nedës, e cila deri më tani ka qenë një figurë e cila ka qëndruar larg medias.