North West tërheq vëmendjen në moshën 13-vjeçare, shfaqet me stil ekstravagant pranë Bianca Censorit

North West, vajza 13-vjeçare e Kim Kardashian dhe Kanye West, u bë një nga personazhet më të komentuar në festivalin ComplexCon, që u zhvillua në Los Angeles.

Ajo u shfaq me flokë blu, grila metalike në dhëmbë dhe piercing fals, ndërsa pozoi pranë njerkës së saj, Bianca Censori. Në festival ishte edhe Kanye West, i cili u paraqit me veshjen e tij karakteristike prej lëkure.

Stili i veçantë i North ka tërhequr vazhdimisht vëmendjen e mediave. Kim Kardashian ka rrëfyer së fundmi se po përpiqet ta kufizojë përfshirjen e vajzës në angazhime publike, pasi ajo është shumë e interesuar për muzikën dhe projektet para kamerave.

North ka hedhur tashmë hapat e parë në muzikë. Gjatë këtij viti, ajo publikoi një EP debutuese dhe u shfaq në kopertinën e revistës Dazed.

Sipas Kim Kardashian, ajo dhe Kanye West po punojnë për të përmirësuar komunikimin mes tyre, në mënyrë që të marrin së bashku vendime për projektet e vajzës.

Paraqitja e North nuk është hera e parë që shkakton reagime. Adoleshentja ka treguar më herët piercing-e në gishta, ndërsa në disa projekte muzikore është shfaqur me piercing-e të përkohshme në fytyrë.

Në një prej këtyre projekteve, North bashkëpunoi me Lil Novi, djalin e reperit Lil Wayne. Në videoklip, ajo shfaqet sërish me flokë blu, grila metalike dhe aksesorë me frymë punk, duke vijuar imazhin e saj të pazakontë.