Nëntë vite nga humbja e tij, motra e Ergi Dinit përkujton vëllain e ndjerë: Koha shëron çdo plagë, por…

Barbana Dini, ka publikuar një dedikim në rrjetet sociale, duke kujtuar vëllain e saj të ndjerë, këngëtarin Ergi Dini, i cili humbi jetën më 21 nëntor 2016.

Në postimin, ajo rrëfen se lajmin tragjik e mori përmes një telefonate që i ndryshoi përgjithmonë jetën.

“Thonë se koha shëron çdo plagë, por nuk mund të them se është e vërtetë. Është thjesht një gënjeshtër më shumë për të ngushëlluar vetveten”, shkruan Barbana, duke shprehur dhimbjen e pashuar për humbjen e vëllait.

Ajo thekson se humbja e Ergit ka ndikuar thellë në jetën e saj, duke i ndryshuar perspektivën dhe duke e detyruar çdo ditë të mësohet me mungesën e tij.

“Uroj të kesh gjetur paqen e përjetshme së bashku me babin… derisa të takohemi sërish, i vogli im”, shton ajo në dedikimin prekës.

Postimi:

Si iken 9 vite qe nga largimi yt vella?!Duken kaq shume vite por kaq i afert 21 nentori i vitit 2016, ku me nje telefonate mora lajmin se te humbem pergjithmone…

Thone se “koha sheron cdo plage” por nuk mund te them se eshte e vertete.Eshte thjesht nje genjeshter me shume per te ngushelluar veten…

Me ikjen tende sfidat e mia ndryshuan!Gjate ketyre viteve mesova si te jetoj duke me munguar ti, cdo dite ,sado kohe te kaloje…

Uroj te kesh gjetur paqen e perjetshme se bashku me babin…derisa te takohemi serish i vogli im…