Mimikat tallëse ndaj Brikenës, reagon familja e Gimbos (FOTO)

Dinamikat brenda shtëpisë së “Big Brother VIP”, shpesh kalojnë kufijtë e lojës dhe humori i brendshëm mund të shkaktojë reagime të forta jashtë saj.

Një rast i fundit ka të bëjë me Dj Gimbon, i cili u filmua duke imituar dhe tallur mimikat e fytyrës së Brikenës, veprim që shkaktoi kritika të shumta në rrjetet sociale.

Përballë reagimeve negative që po merrte ky moment, familjarët e Gimbos, të cilët menaxhojnë edhe llogarinë e tij në rrjetet sociale, vendosën të ndërhyjnë për të qetësuar situatën dhe publikuan një ndjesë zyrtare në Instastory-n e tij.

Në deklaratën e tyre, ata theksojnë se qëllimi i veprimit nuk ka qenë aspak ofendues dhe se çdo gjest është pjesë e kushteve të veçanta dhe sfiduese të formatit televiziv.

“Si familja e Gimbos, kërkojmë falje nëse imitimi me mimika ndaj Brikenës është kuptuar keq apo ka lënduar atë dhe familjen e saj. Besojmë që nuk ka qenë qëllimi i tij të ofendojë apo të nënçmojë askënd”, thuhet në mesazhin e tyre.

Në përfundim, ata ritheksojnë se respekti ndaj çdo njeriu dhe familjeje është i rëndësishëm për ta dhe mbyllin deklaratën me një falje të sinqertë.

Ky reagim vjen për të qetësuar atmosferën dhe për të treguar se, edhe pse brenda shtëpisë ndonjëherë lojtaret mund të tejkalojnë limitet e humorit, familja e Gimbos dëshiron të ruajë marrëdhënie të mira dhe respekt të ndërsjellë me të gjithë pjesëmarrësit dhe publikun.