“Me të qeshur e me të ngjeshur”, Noizy i bëri “diss” gjithë rivalëve

Noizy u kthye në kryefjalën e mediave pas sherreve të njëpasnjëshëm, pas “Vaksinës” që bëri namin në rrjet dhe i dogji aq shumë reperëve të tjerë.

Konflikti i tij i fundit ishte me Escobars, ish-mikun e tij me të cilin u përplas ashpër në rrjete sociale.

Megjithëse Escobars vazhdoi të “luftojë” me veten pasi Noizy deklaroi se s’do t’i jepte më vëmendje, postimi i fundit i reperit na ka futur sërish në dyshime.

Para pak ditëve, Noizy solli dyshimet se mbase ai po sjell një tjetër diss të fortë, përderisa fjalët në videon e tij të fundit ishin “Do merrni mësim nga pedagogu”.

“S’kam shokë por kam kampiona, OTR na njeh krejt bota, a t’kujtohet 09, premtimet nuk ishin të kota. Ku je në kto nivele, ka t’mira ka dhe sherre, ka njerëz për interese, ka njerëz që dojn veç veten“, thotë Noizy në klip.

Ende s’dihet si do të titullohet ky projekt muzikor i cili lançohet sot, ndërsa fansat janë të gjithë sy e veshë.

Noizy ka thumbuar sërish kolegët, ndërsa kanë mbetur vetëm pak orë nga publikimi i këngës.

Ai është është shprehur se në fakt më shumë se sa adhuruesit e muzikës së tij, janë reperët dhe rivalët e tij që po e presin me padurim publikimin e këtij projekti.

“Të dashur  fansa: A e dini se të gjithë reperët janë t’u e pritur këtë kong ma shumë se ju?”, ka shkruar ai.