showbiz

“Më lini të qetë”, 26 vite nga vdekja e princeshë Diana, zjarrfikësi tregon bisedën e fundit më të

26 vjet më parë, bota u trondit kur dëgjoi lajmin se Princesha Diana vdiq në një aksident automobilistik në Paris.

Në muajt e fundit të jetës së saj, Diana po buzëqeshte sërish. Në jetën e saj kishte hyrë beqari i kërkuar, Dodi Al Fayed. Të dy u përpoqën ta mbanin të fshehtë lidhjen e tyre, megjithatë u zbulua dhe për paparacët një foto e tyre ishte si biletë lotarie. Pak ditë para përfundimit tragjik të të dyve, Diana dhe Al Fayed ishin me pushime në rivierën franceze. Para se të ktheheshin në Londër, ata vendosën të kalonin një natë në Paris, konkretisht në hotelin Rich, në pronësi të babait të Dodit.

Të lidhura

None found

Pak pas mesnatës së 31 gushtit 1997, makina që mbante Princeshën Diana dhe partnerin e saj Dodi Al Fayed u përplas në tunelin Pont d’Alma në Paris.

Rezultati i përplasjes së rëndë ishte vdekja e menjëhershme e drejtuesit të mjetit, Henri Paul, dhe vetë Fayed. Princesha 36-vjeçare, e cila ishte ulur në pjesën e pasme të djathtë të makinës nuk ka ndërruar jetë menjëherë. Në momentin që ajo u lirua nga automjeti, në vendngjarje kishin mbërritur paparacët, të cilëve princesha iu drejtoi fjalët e fundit: “Më lini të qetë”.
Javier Gumerlon ishte një nga të parët që mbërriti në vendin e aksidentit tragjik. Ishte ai që e çliroi Dianën nga makina dhe që i mban mend mirë fjalët e fundit të nënës së Uilliam-it dhe Harrit dhe ndihmën e parë që i dha për ta mbajtur në jetë. Fillimisht, ai përshkroi reagimin e tij kur kuptoi se gruaja bionde që u thirr të shpëtonte ishte princesha. “Nuk e besova. Sytë e saj ishin të hapur në fillim dhe ajo ishte e vetëdijshme”.

Ai perpiqej ta ngushëllonte dhe ta mbante të qetë. “Ai tha: “O Zot, çfarë ndodhi?” dhe pak më vonë u ndalua”, tha burri. “I bëra masazhe në zemër dhe disa sekonda më vonë ajo filloi të merrte sërish frymë. Sigurisht që ishte një lehtësim sepse doja t’i shpëtoja jetën dhe mendova se e kisha bërë këtë. Të them të drejtën mendova se do të jetonte. Me sa dija kur ishte në ambulancë ishte gjallë dhe prisja që ajo të jetonte. Por më vonë mora vesh se kishte vdekur në spital. Ajo ishte shumë e mërzitur. Tani e di që kishte lëndime të rënda të brendshme, por i gjithë episodi është ende shumë i gjallë në mendjen time. Dhe kujtimi i asaj nate do të më mbetet përgjithmonë”, tha zjarrfikësi dhe shtoi: “Në atë kohë nuk e kisha idenë se ishte Princesha Diana. Vetëm kur e futën në ambulancë, një nga burrat e ambulancës më tha se ishte ajo”.

Në spitalin ku u dërgua, mjekët u përpoqën ta shpëtonin pasi po përjetonte sulme të përsëritura në zemër dhe si pasojë e përplasjes u konstatua se zemra e saj ishte zhvendosur në anën e djathtë të gjoksit. Përpjekjet e mjekëve nuk patën efekt dhe princesha Diana më në fund ndërroi jetë në orën 4 të mëngjesit.

të fundit

Artan Hoxha: Electoral crime investigation is two years late; Sara’s departure will not cost Rama his mandate

I ftuar në studion e News24, gazetari Artan Hoxha komentoi hetimet e SPAK-ut për krimet zgjedhore dhe vëmendjen politike të…

3 hours ago

Trump meets Imelda Marcos in Manila and tells her “We love you,” after knowing her for more than 40 years

Presidenti amerikan Donald Trump ka zhvilluar një takim të veçantë në Manila me 97-vjeçaren Imelda Marcos, ish-zonjën e parë të…

3 hours ago

Scottish police call for restrictions on e-bike and e-scooter sales amid rising crime and accidents

Oficerët e lartë të Policisë në Skoci kanë kërkuar kufizimin ose ndalimin e shitjes së biçikletave dhe skuterëve elektrikë, pas…

3 hours ago

After nearly 40 years, parents convicted of torturing and killing their 4-year-old daughter in France

Një ngjarje tronditëse e ndodhur në Francë në vitin 1987 ka marrë një tjetër zhvillim pas afro katër dekadash. [...]…

3 hours ago

Released from prison and celebrating with his family, he is accused of stabbing a 42-year-old man to death in the US

Një festë familjare e organizuar për të festuar lirimin e tij nga burgu federal përfundoi në tragjedi në Karolinën e…

3 hours ago

NIH calls for an investigation into Fauci’s involvement in the study that rejected the COVID-19 lab-leak theory

Roli i ish-këshilltarit kryesor shëndetësor të Shtëpisë së Bardhë, Anthony Fauci, në një prej studimeve më të rëndësishme shkencore të…

3 hours ago