Loredana flet për Jozin: Refuzova ftesën e tij, ndërsa partnerja e re është…

Ish-banorja e “Big Brother 4” Loredana Brati. teksa ishte e ftuar në “Big Brother VIP Fan Club”, përballë moderatores Kiara Tito, ka ndarë detaje të reja nga jeta e saj pas përfundimit të eksperiencës në shtëpinë më të famshme në vend, duke u ndalur veçanërisht te raporti me ish-partnerin, Jozin.

Ajo tregoi se, ndonëse historia e tyre nisi me emocione të forta gjatë qëndrimit në reality show, jashtë kamerave gjithçka përfundoi përfundimisht.

Një nga momentet që tërhoqi vëmendje, ishte zbulimi se kishte marrë një ftesë për ditëlindjen e tij, por kishte vendosur të mos merrte pjesë.

Sipas Loredanës, vendimi ishte i qëllimshëm dhe lidhej me mënyrën se si ajo i sheh marrëdhëniet e përfunduara. Ajo theksoi se nuk e konsideron të përshtatshme të ruajë kontakte apo të jetë prezente në momente të tilla, pasi një lidhje ka marrë fund.

“Nuk isha unë në ditëlindje sepse nuk ka sens të jem. Edhe pse ftesa erdhi, nuk më duket normale të shkosh në ditëlindjet e ishave”, u shpreh ajo.

Në vijim të bisedës, Loredana u pyet edhe për partneren e re të Jozit, e cila ka tërhequr vëmendje në rrjetet sociale. Ajo u tregua mjaft e qetë dhe pa komplekse, duke e vlerësuar pozitivisht.

Me një qëndrim sportiv, ajo u shpreh: “Të bukur, yll të bukur”, duke lënë të kuptohet se e ka lënë pas të kaluarën dhe nuk ka asnjë peng lidhur me këtë histori.