Liroi shtëpitë për afganët, sipërmarrësi: Vuajtëm edhe ne luftën

Një sipërmarrës nga Prishtina ka ndërmarrë një nisëm humanitare duke ofruar 3 banesa pa pagesë për 3 familje refugjate afgane. Kjo iniciativë e tij ka rënë në sytë e ‘Abc e Pasdites’ nga Ermal Peçi, i cili kishte të ftuar në studio Avni Miftarin. I ardhur drejt e nga Prishtina, Miftari sqaroi se arsyet që e çuan drejt këtij vendimi janë shpirtërore dhe të lidhura ngushtë me të shkuarën e tij.

“Duke pasur parasysh të kaluarën time personale, e cila lidhet me momentet aktuale që ndodhen afganët sot, unë kisha mundësi të ofroja. Ata kanë nevoja momentale të padiskutueshme dhe unë vendosa të bëj diçka. Unë kam qenë emigrant vetë, si azilant i viteve 93-94. Ata nuk asnjë rrugëdalje, veç shohin ditën e sotme.”

Sipërmarrësi Miftari foli më tej edhe mbi reagimin e të afërmve dhe njerëzve përreth. Pyetjes së Ermalit “A të kanë thënë je çmendur?”, Miftari ju pergjigj:

“Në Kosovë ka qëndrime pro dhe kundër. Kjo pyetje është e përditshme por ka dhe njerëz që reflektojnë dhe e kuptojnë qëllimin.” shprehu bamirësi./albeu.com