‘Lidhjet e Elijonës’, Xheneta u reagon ‘ashpër’ kritikëve në rrjet

Ish-finalistja e “Big Brother VIP Kosova”, dhe njëkohësisht opinionistja e këtij edicioni të ‘Big Talk’, Xheneta Fetahu, ka reaguar ashpër në rrjetet sociale kundër komenteve dhe videove që po qarkullojnë në TikTok lidhur me jetën private të banores së ‘Big Brother VIP Kosova 4’, Elijona Binakajt.

Me anë të një postimi të drejtpërdrejtë në Instagram Story, Xheneta shprehu indinjatën e saj për mënyrën sesi publiku po gjykon Elionën.

Ajo e cilësoi të turpshme dhe hipokrite sjelljen e atyre që “numërojnë lidhjet” e aktores.

“Po shoh disa tu i numru lidhjet e Elijonës sikur ju takon me ditë jetën e saj. Edhe çka nëse ka pas lidhje? Çka ju han juve? Secili ka të drejtë me dal me kë t’don. Vetë flisni e dilni me gjysmën e botës, po komentoni për tjetrin.”

Ajo u bëri thirrje kritikuesve që të merren më shumë me jetën e tyre dhe t’i lënë mënjanë gjykimet për të tjerët.

“Edhe nëse ishit marrë aq shumë me jetën e juve e me ‘frajerat’ e juv, ma mirë i kishit pas punët. Shikoni veten, se s’jeni askush me gjyku askënd. Kishe qaq t’moralshëm juuu pffffff”.

Ky reagim i Xheneta Fetahut vjen në mbrojtje të Elijonës, pasi ditët e fundit në TikTok janë shpërndarë foto dhe video që aludojnë mbi lidhjet e saj të mëparshme, duke shkaktuar reagime të shumta në rrjetet sociale, duke marrë parasysh faktin e moshës së re të Elijonës.