La muzikën për fenë, prifti kritikon Feron: Besimtari s’ka gangsterllëk

I ftuar në “E Diell” ka qenë At Nikolla Xhufka në rubrikën “Trotuar”. Ai foli për vendimin e ish-reperit Fero, i cili la muzikën për t’iu përkushtuar fesë islame.

“Çfarë mendimi keni për reperin Fero që hoqi dorë nga muzika dhe u bë mysliman i devotshëm?”-ishte pyetja që iu drejtua.

“Nga një ekstrem vajti në një ekstrem tjetër. Ai që dedikohet në një fe, edhe nga dashuria e madhe që ka për fenë, nuk mund të thotë kurrë ‘kush e shan Allahun ka punë me mua’, nuk mund të kërcënohen njerëzit. Ai mund të thojë, ‘kush e shan Islamin mund të vijë tek unë dhe ta bëj besimtar”, tha prifti.

“Besimtari ka dashuri, jo gangsterllëk”, shtoi At Nikolla.