Kushtrimi dhe Aurora kurorëzuan dashurinë e tyre, Labinot Rexha i nxjerr zbuluar

Çifti i njohur Kushtrimi dhe Aurora i dhanë fund beqarisë dy ditë më parë, duke kurorëzuar dashurinë e tyre në martesë. Në dasmën e tyre morën pjesë miq, shokë, familjarë, si dhe disa prej ish-banorëve të Big Brother VIP Kosova. Megjithatë, mungesa e disa ish-banorëve nuk kaloi pa u vënë re.

Në mesin e tyre ishte edhe këngëtari Labinot Rexha, i cili së fundmi ka reaguar përmes një postimi në rrjetet sociale. Ai ka bërë të ditur se nuk kishte marrë ftesë për dasmë, duke treguar se edhe Ludo nuk ka qenë i ftuar.

Por pavarësisht mungesës së një ftese, këngëtari u ka uruar çiftit jetë të gjatë, shëndet dhe lumturi në martesë.

“Media, ju lutem, s’keni nevojë të më thërrisni e të më pyesni për dasmën. Unë dje kam qenë në një dasmë në Gjenevë dhe kam kënduar. Mua dhe Ludo-n nuk na ka ftuar, as Kushtrimi nuk na ka ftuar. Por kjo është jeta dhe secili e di kë dëshiron pranë vetes. Pavarësisht të gjithave, unë nga zemra ua uroj martesën. Inshallah Zoti ua dhëntë jetë të gjatë, shëndet, dashuri dhe shumë nipa e mbesa. Lus Zotin që Kushtrimi ta gjejë qetësinë dhe lumturinë e tij dhe inshallah martesa e tyre të jetë e gjatë e e bekuar. Edhe pse kam disa dyshime të miat dhe disa mendime personale, nuk dua t’ua prish këtë ditë. Koha do ta tregojë gjithçka. Urime nga zemra dhe paçi vetëm të mira në jetë!” shkruan ai.