“Kianit iu plotësua dëshira”/ Fatma Haxhialiu zbulon gjininë e fëmijës që po pret

Fatma Haxhialiu dhe partneri i saj do të bëhen prindër për herë të dytë. Së bashku me djalin e tyre, ata ndanë momentet e bukura kur Kian mëson se do të jetë vëlla i madh në familje dhe së shpejti dëshira e tij do të plotësohej.

Sot, gazetarja ka zbuluar gjininë e fëmijës së dytë. Ajo ka ndarë një video ku shfaqet e gjithë familja, e më pas zbulohet edhe gjinia. Bebushi që pritet të vijë në jetë do të jetë djalë.

“Nuk mund të ishim më të lumtur që Zoti na bekoi me një tjetër mrekulli dhe Kianit iu plotësua dëshira …”– shkruan Fatma në profilin e saj në Instagram.

Me dhjetëra urime kanë shkuar në adresë të Fatmës dhe bashkëshortit të saj për lajmin e bukur që kanë ndarë me të gjithë.