Justin Bieber humb gjyshin: Mezi pres të të shoh në parajsë

Gjyshi i Justin Bieber, Bruce Dale, është ndarë nga jeta në moshën 80-vjeçare. Këngëtari ka dashur t’i japë lamtumirën e fundit me një postim prekës në rrjetet sociale.

Ai ishte babai i nënës së këngëtarit, Pattie Mallette. Në llogarinë e tij në Instagram, Bieber ka ndarë një foto nga fëmijëria, ku shihet duke prekur butësisht fytyrën e gjyshit të tij.

Ylli 31-vjeçar ka treguar se mezi pret ta takojë sërish në parajsë, duke shprehur bindjen se gjyshi do të vazhdojë ta mbrojë edhe nga lart.

Në mbishkrimin e postimit, ai shkroi:

“Gjysh, gjithmonë të kam marrë para. Mbaj mend që më the konkretisht se gjyshja më jepte 20 dollarë shtesë çdo javë! Dhe gjithmonë më këshilloje që t’i shpenzoja për ushqime të lehta në lojërat e hokejit çdo të premte në mbrëmje. Ti gjithmonë m’i jepje me këmbëngulje.

Kujtoj sesi bërtisje ndaj gjyqtarëve, të cilët duronin të gjitha komentet dhe ngacmimet e tua për vendimet e tyre të padrejta. Ti nuk hezitoje t’u thoshe se ishin krejtësisht të padobishëm.

Mezi pres të të shoh sërish në parajsë. Deri atëherë, e di që po më shikon nga atje lart. Do të më mungosh. Do të më dhembë. Dhe do të ulem e lejoj veten të kujtoj kohërat e mrekullueshme”.