“Janë rritur me gjizë e hudhra tani bëjnë si diva”, Kastro Zizo thumbon rëndë kolegët

Kastro Zizo, ka qenë i ftuar në emisionin ”Aldo Morning Show” në “Tv Klan”.

Gjatë emisionit artisti nuk i ka kursyer disa thumba për kolegët e tij. Ai rrëfeu se tashmë prej 3 vitesh ka hequr dorë përfundimisht nga konsumimi i tepërt i alkoolit dhe si pasojë i është dashur të tërhiqet nga skena.

Megi Latifi, gazetarja e cila e ka intervistuar e pyetur në lidhje me të vërtetën mbi arsyen pse nuk ka qenë në koncerte gjatë verës. Kastro u përgjigj duke thënë se “artistët tanë të mëdhenj për ca lekë këndojnë edhe në oborrin tënd nëse ti i plotëson ato kushtet.”

Ai ka thumbuar rëndë duke shtuar se ka nga ata që janë rritur me gjizë e hudhra dhe e shesin veten si diva.

Pjesë nga intervista:

Megi Latifi: “Si është e vërteta e koncerteve?”

Kastro: “E vërteta e koncerteve është se kam refuzuar koncertet dhe e vërteta e koncerteve është se nuk janë koncerte. Besomëni që edhe artistët tanë të mëdhenj për ca lekë këndojnë edhe në oborrin tënd nëse ti i plotëson ato kushtet.

Aldo: “Një sekondë tani. Edhe Christina Aguilera ka qenë në dasmë në Rusi.”

Kastro: “Po ka qenë se i ka dhënë petullat ai, i ka dhënë lekët ai njeriu dhe ka kënduar. Është një gjë që Christina e ka pranuar, di dhe është një industri tjetër dhe është një gjë tjetër që X artistë këtu të rritur me gjizë e hudhra ta shesin personalitetin e vet si diva apo divë internacionalë.”

Aldo: “Problemi është te gjiza dhe hudhra, se gjizë dhe hudhra ka ngrënë edhe Michael Jackson?”

Kastro: “Pak kohë ka ngrënë ai gjizë e hudhra”