“Jam shumë krenar për ty çdo ditë”, Ylli Limani dedikim të ëmbël nënës së tij

Në një intervistë të dhënë së fundmi, Ylli Limani na ka treguar për marrëdhënien e tij që ka me babain, duke u shprehur se mendimet e tyre shpesh herë nuk përputhen. Nga ana tjetër, sa i përket lidhjes së fortë që ai ka me nënën e tij, e kemi parë në postimet e shumta që bën, duke i dedikuar fjalë shumë të ëmbla.

Ditën e sotme, këngëtari i disa hiteve muzikore, ka publikuar një foto të nënës, e cila duket se ka nisur vitin e ri pedagogjik dhe Ylli nuk mund të ndihej më krenar se kaq.

“Shumë dashuri për nënën e cila nis një vit të ri shkollor me nxënësiit e klasës së parë. Jam krenar për ty cdo ditë”, shkruan Ylli bashkangjitur postimit.

Yll Limani ka shijuar një verë të suksesshme sa i përket karrierës muzikore, ku ka mundur të japë edhe dy koncerte brenda një natë. Nga ana tjetër, ai nuk është ndalur për të sjellë muzikë të re dhe momentalisht po shijon suksesin e këngës “Hapa”, e cila ka rezultuar tepër e pëlqyer nga publiku shqiptar.