I vendosi të birit emrin e veçantë, Afërdita Dreshaj flet për herë të parë rreth tij (FOTO LAJM)

Gati 10 ditë më parë Afërdita Dreshaj u bë nënë për herë të parë. Ajo solli në jetë një djalë, të cilin e pagëzuan me emrin Sky Blue, që në shqip do të thotë qiell i kaltër.

Teksa një pjesë e madhe e personazheve të showbizit nuk i zbulojnë portretet e fëmijëve të tyre të porsalindur, Afërdita bëri të kundërtën. Vetëm pak ditë pas lindjes, ajo prezantoi vogëlushin me gjithë botën. Modelja shqiptare postoi disa foto shumë të ëmbla të tij, që ishin shkrepur pak pas ardhjes në jetë të Sky Blue.

Ndërkohë sot ajo ka zhvilluar për herë të parë një bisedë virtuale me ndjekësit pas ardhjes në jetë të djalit. Afërdita ka zbuluar se ka bërë lindje natyrale dhe ua ka rekomanduar të gjitha nënave që të bëjnë të njëjtën gjë.

“Kam bërë lindje natyrale dhe nga eksperienca që kam pasur u rekomandoj të gjitha nënave të kenë lindje natyrale. Normal nëse mund të jetë zgjedhja e tyre. Rikuperimi është shumë i shpejt dhe është një eksperiencë që duhet çdokush ta përjetojë”, ka treguar Afërdita.

Ndërsa sa i përket emrit të vogëlushit, ajo ka zbuluar se e ka zgjedhur vetë dhe se i ka ardhur një ditë rastësisht në mendje.

Ajo ka treguar se i vogli është një bebe shumë e qetë deri tani dhe ka publikuar një video të adhurueshme të tij.

Duke qenë se të gjithëve ju bëri përshtypje fakti që Afërdita u stërvit deri në muajin e nëntë të shtatzënisë, ndjekësit kanë qenë kurioz nëse ajo ka nisur sërish palestrën.

Afërdita ka treguar se ende nuk e ka nisur dhe se duhet të presë për këtë gjë. Ndërsa sa i përket trupit të saj pas lindjes ajo është shprehur:

“Nuk shqetësohem për këtë gjë tani. Ka kaluar një javë dhe jam kaq e dashuruar dhe ndjehem shumë mirë:.