Hollywood-i në zi, aktorja e njohur ndahet nga jeta në moshën 36-vjeçare

Hayden Panettiere, aktorja amerikane që u bë e njohur për interpretimet në serialet “Heroes” dhe “Nashville”, është ndarë nga jeta në moshën 36-vjeçare.

Familja e saj ka konfirmuar lajmin, i cili është publikuar nga CBS News. I ati, Skip Panettiere, e cilësoi atë si “një dritë të jashtëzakonshme” dhe si një forcë që u dhuroi dashuri e gëzim jo vetëm njerëzve që e njihnin, por edhe miliona shikuesve që e ndoqën në ekran.

Rrugëtimi i Panettiere në aktrim nisi që në fëmijëri. Në moshën vetëm katërvjeçare, ajo u shfaq në telenovelën amerikane “One Life to Live”.

Fama botërore erdhi më pas përmes personazhit Claire Bennet në serialin fantastiko-shkencor “Heroes”, ku ajo interpretoi një vajzë me superfuqi që përpiqej të shpëtonte botën.

Në karrierën e saj përfshihen edhe role të rëndësishme në filmat “Remember the Titans” dhe “Raising Helen”. Ndër figurat më të spikatura që solli në ekran ishte gjithashtu Juliette Barnes në serialin muzikor “Nashville”.

Ndarja e saj nga jeta ka sjellë reagime të shumta në botën e filmit dhe televizionit, ndërsa rrethanat e vdekjes nuk janë bërë ende publike.

Vdekja në një moshë kaq të re ka rikthyer vëmendjen te rrugëtimi artistik i njërës prej aktoreve që u bë e njohur që fëmijë dhe arriti famë ndërkombëtare në rini.