Gazetari zbulon se çfarë ndodhi me Gjestin pas përfundimit të BBV

Gazetari nga Kosova, Labinot Nimani, ka qenë sot i ftuar në një studio televizive përmes një lidhje të drejtpërdrejtë ai ka zbuluar më shumë detaje në lidhje me arrestimin e këngëtarit Gjesti dhe se çfarë ka ndodhur në zyrat e ish-bashkëpunëtorit të tij.

Moderatori i njohur e pyeti se çfarë ndodhi me Gjestin pas përfundimit të “Big Brother VIP” në Shqipëri dhe gazetari u përgjigj duke thënë se:

“Me sa kemi parë Gjesti e kuptoi që pas daljes nga “Big Brother” u bë një superstar dhe reputacioni i tij, popullariteti shënoi shumë ngritje. Superstar nuk do të thoja se ka qenë sepse unë të paktën personalisht nuk e kam parë emrin e tij nëpër koncerte para “Big Brother”, ose ndodhte shumë rrallë.

Nuk ka qenë ndër artistët që prenotohen për koncerte. Mendoj që fama më shumë i ka ardhur pas daljes nga “Big Brother” dhe jo para sepse Gjesti ka qenë pjesë e estradës për shumë vite dhe ka pasur disa këngë, por që nuk i janë përkthyer në koncerte.

Unë mendoj që koncerti është pika matëse e suksesit për një artist. Pas daljes nga “Big Brothe”r mendoj se i ka hipur pak vetja në qejf, unë të paktën.

Dhe duke kuptuar vlerën që ai arriti si artist normalisht që ka dashur të shfrytëzojë momentin dhe unë e kuptoj dhe jam gjithsesi shumë pro lirisë së një artisti kur ai dëshiron që të shkëpusë një kontratë nga një menaxhment sepse nuk është historia e parë kemi pasur edhe të tjera më herët”.