Fshiu foton me shqiponjën nga rrjetet sociale dhe bëri bujë, Era Istrefi zbulon arsyen: Qava shumë

Të gjithë e kujtoni momentin kur Era Istrefi mori ftesën për të bashkëpunuar për himnin e Kampionatit Botëror “Fifa World Cup 2018”.

Në atë kohë, këngëtarja e njohur bashkëpunoi me dy yjet botërorë, Will Smith dhe Nicky Jam, në mbylljen e Kampionatit në Rusi, e cila ishte një ndër pikët kulminante të karrierës së saj.

Asokohe, Era postoi në rrjetin social edhe një foto duke bërë shqiponjën, foto të cilën iu desh ta fshinte. E ky veprim i saj solli tepër reagime dhe bëri bujë.

Arsyen se pse veproi në këtë mënyrë, Istrefi e ka zbuluar mbrëmjen e djeshme teksa ishte e ftuar në emisionin “Më lër të flas. Sipas saj, ia kërkuan organizatorët e Fifa-s që ta fshinte foton pasi ishte cilësuar si lëvizje politike.

“Njerëzit nuk duan ta dini sesi ka qenë. 2 bilionë njerëz e kishim audiencën. Puna ime është të dal në skenë për të kënduar, ç’ka mi ka ndez ndjenjat shumë ka qenë suporti i shqiptarëve dhe kjo është përcjellë tek unë shumë. Në një moment e bëra edhe shqiponjën sepse e ndjeva dhe ishte moment i bukur shumë, por më thanë që duhet ta fshihja se është lëvizje politike. M’i lëndoj pak ndjenjat, me të thënë të drejtën unë u lëndova pa fund, u ndjeva e diskriminuar qava, thash pse s’mund të jem krenare. Çfarë kishte gabim, por u mundoja t’i kuptoja dhe e hoqa. Por më e rëndësishme ishte ndjenja dhe fotoja nuk kishte aq rëndësi. Por pas një viti e kam nxjerrë prapë”, tha Era.