FOTO/ Pas s*lmit të ndjekësve ndaj Sarës, reagon ashpër Bardhi: Po m’çahet k*** edhe shkoj në burg

Pas lajmit tronditës që aktori Elvis Pupa dhe bashkëshortja e tij, Belina Pupa, janë përfshirë në një skandal në Australi për kultivim kanabisi, reagimi më i komentuar në rrjet erdhi nga reperi Bardhi.

Ai shfrytëzoi rastin për t’iu kundërpërgjigjur një ironie që Vis Pupa kishte bërë ndaj tij gjatë kohës së “Big Brother VIP”.

“Po më vjen keq me lexu këtë lajm se je nga aktorët e mi të preferum të fëmijërisë. Por le të jetë si shembull ky që bota sillet. U ngutë me fol për dikon që s’e njeh… Gjatë BB shkrujshe ‘Free Bardhi’ pa arsye, tash po ta shkruj unë ‘Free Elvis’ me arsye”, shkroi ai.

Mirëpo, postimi u interpretua nga ndjekësit si i shkruar nga partnerja e tij, Sara Gjordeni, dhe kjo solli një lumë komentesh ofenduese ndaj saj.

Për këtë arsye, Bardhi reagoi sërish ashpër, duke theksuar se postimi ishte i tij personal dhe duke dalë hapur në mbrojtje të Sarës. Ai u bëri thirrje ndjekësve të mos përfshijnë partneren e tij në çështje që nuk e prekin fare.

Ai shprehet i zhgënjyer nga komentet e rënda dhe ofendimet që janë bërë ndaj Sarës dhe tij, duke i cilësuar si një nga arsyet kryesore që shoqëria shqiptare po degradohet.

Bardhi nënvizon se kjo gjuhë e urrejtjes nuk është e pranueshme dhe ka pasoja të rënda për shoqërinë, duke i bërë thirrje ndjekësve që të ndalojnë komente të tilla dhe të mos fyejnë gratë në internet. Ai i quan komentuesit negativë si “berlloga” dhe “plehra”, duke theksuar se nuk u ka bërë asgjë për t’u trajtuar në atë mënyrë.

Këngëtari përfundon me një thirrje të drejtpërdrejtë ndaj kujtdo që ka probleme personale me të: t’i drejtohen atij drejtpërdrejt dhe jo të përfshijnë persona të tjerë, duke e mbrojtur Sarën nga sulmet dhe përfshirja në drama online.