FOTO/ Ivanka Trump shkëlqen në darkën shtetërore për Xi Jinping me një fustan 6 mijë dollarësh

Ivanka Trump ishte ndër të ftuarat që spikatën në darkën shtetërore të mbajtur në Shtëpinë e Bardhë për nder të presidentit kinez Xi Jinping dhe bashkëshortes së tij, Peng Liyuan.

44-vjeçarja zgjodhi për mbrëmjen një fustan të gjatë, blu të hapur dhe pa mëngë, të zbukuruar me kristale. Veshja, e cila kushton rreth 6 mijë dollarë, është realizuar nga stilisti Georges Hobeika dhe përfshinte një bust të strukturuar, qëndisje të detajuara, motive florale dhe elemente dekorative me kristale.

Vajza e presidentit Donald Trump e përfundoi paraqitjen me një grim të theksuar në zonën e syve, ndërsa flokët bionde i kishte mbledhur në njërën anë. Në ceremoninë gala ajo shoqërohej nga vajza e saj 15-vjeçare, Arabella, e cila kishte veshur një fustan të zi elegant.

Më herët gjatë së njëjtës ditë, Ivanka mori pjesë edhe në pritjen zyrtare të organizuar për presidentin Xi Jinping dhe bashkëshorten e tij. Në atë ceremoni ajo u paraqit me një tjetër veshje blu, të kombinuar me një xhaketë me detaje të bardha florale dhe vathë me perla.

Evenimenti me veshje zyrtare u zhvillua në East Room të Shtëpisë së Bardhë. Gjatë darkës, Donald Trump dhe Xi Jinping mbajtën fjalime, ndërsa mbrëmja u cilësua si një nga aktivitetet më të rëndësishme dhe më të kuruara të administratës amerikane, në kuadër të takimit që zhvillohet mes marrëdhënieve komplekse SHBA-Kinë.