FOTO/ “Derin” mahnit Amsterdamin, e vetmja aktore turke në çmimet e rëndësishme

Aktorja e njohur turke, Melis Sezen, ishte pjesë e ceremonisë së çmimeve “Septimius”, që organizohet çdo vit në Amsterdam. Një prej aktoreve më të dashura të publikut, e njohur për rolin e Derinit në serialin “I pabesë” ishte e vetmja aktore turke që nominohej në këto çmime të rëndësishme.

Sezen, një prej emrave të rinj të talentuar dhe që po njeh sukses me çdo rol të saj, u nominua si “Aktorja më e Mirë” për rolin e Devas në serialin “Gulcemal”.

Për mediat vendëse, Melis ndau emocionet e pjesëmarrjes duke theksuar se ajo ka besuar gjithmonë në fuqinë e Devas – rolin për të cilin u nominua si aktorja më e mirë: “Ishte një nder i madh që u nominova si aktorja më e mirë me Deva – “Gulcemal” dhe gjithmonë kam besuar në zemrën e Devas. Jam shumë mirënjohëse për këtë natë dhe magjinë që përcjell ajo”, – shkroi aktorja në profilin e saj.

Aktorja e njohur Melis Sezen, e cila udhëtoi drejt Holandës për të qenë pjesë e këtij eventi të rëndësishën në industrinë e filmit, i mahniti të gjithë me fustanin e saj të kuq.

Ceremonia e çmimeve “Septimius”, që mbahet çdo vit në Amsterdam, Holandë, përfshin një sërë emrash dhe shumë pjesëmarrës që kanë fituar çmime të rëndësishme si “Emmy”, “BAFTA” dhe “Oscar”.

Çmimet “Septimius” organizohen çdo vit në një ceremoni prestigjioze, me focus kryesor në zbulimin dhe inkurajimin e talenteve të reja. Objektivi kryesor i çmimeve “Septimius” është të promovojë dhe inkurajojë ndërgjegjësimin, vlerësimin dhe mirëkuptimin e filmit në të gjitha zhanret.