FOTO/ Dakota Johnson shkëlqen në premierën e “Verity” me një fustan transparent

Premiera londineze e filmit “Verity” u shoqërua me vëmendje të madhe ndaj paraqitjes së Dakota Johnson, e cila u shfaq në tapetin e kuq me një fustan të bardhë transparent, të zbukuruar me dantella, përmes të cilit dukeshin të brendshmet e saj të zeza.

Aktorja 36-vjeçare mori pjesë në eventin e zhvilluar në “Curzon Mayfair”, në qendër të Londrës, të enjten në mbrëmje, më 24 shtator. Ajo kishte zgjedhur një veshje të krijuar nga Collen Allen dhe pozoi para kamerave krah aktorit Josh Hartnett.

Johnson e përfundoi stilimin me sandale të zeza me taka të larta dhe bizhuteri të thjeshta. Flokët i mbajti të lëshuar, të formuar në onde që i binin mbi supe. Në premierë nuk ishte e pranishme Anne Hathaway, pjesë e kastit të filmit.

Ngjarjet e “Verity” janë bazuar në romanin me të njëjtin emër. Historia përqendrohet te Verity Crawford, një shkrimtare bestseller që mbetet e paaftë pas një aksidenti misterioz, rol që interpretohet nga Anne Hathaway.

Ndërkohë, Dakota Johnson merr rolin e Lowen Ashley, shkrimtares së ngarkuar me përfundimin e librave të mbetur të serisë së suksesshme të Verity-t. Josh Hartnett luan Jeremy Crawford, bashkëshortin e Verity-t.

Regjinë e filmit e ka realizuar Michael Showalter, ndërsa premiera në kinema është planifikuar për 2 tetor.