Finalja e BBVA “pas dere”, Brikena merr detyrën e rëndësishme për herë të fundit

Ditën e sotme është zgjedhur lideri i fundit i sezonit të pestë të “Big Brother VIP”.

Banorët e mbetur në shtëpi votuan njëri pas tjetrit për të zgjedhur liderin, i cili do të ketë një avantazh të rëndësishëm në lojë.

“Banorë, është momenti të zgjidhni liderin e ri të shtëpisë që do të jetë edhe lideri i fundit për këtë sezon. Sipas krahut orar duhet të votoni me radhë dhe banori që merr më shumë vota do të zgjidhet lider dhe do të ketë një avantazh”, shkruhej në zarfin e bardhë.

Me shumicë votash, liderja e fundit për këtë sezon u zgjodh Brikena. Avantazhi që ajo do të ketë në lojë pritet të zbulohet mbrëmjen e sotme në “Prime” ose në ditët në vijim.