Egli Tako: “Ia dhashë fjalën dhe nuk u tërhoqa” – Rrëfimi i saj për dashurinë dhe rolin e “princeshës” në çift

Në një intervistë të thellë për “Grida Duma Podcast”, Egli Tako ka ndarë disa nga mendimet e saj më intime rreth dashurisë, shoqërisë, eksperiencës në Big Brother VIP dhe perceptimit të saj aktual mbi botën.

Ajo shpjegoi se realiteti brenda shtëpisë është i padeshifrueshëm për këdo që nuk e ka provuar atë. “Kur futesh brenda, nuk e ke idenë nëse jeta vazhdon jashtë,” rrëfeu Egli, duke pranuar se i kishte bërë një premtim partnerit dhe nuk u zmbraps pavarësisht ndërgjegjësimit se opinioni publik po e kritikonte.

Intervista u thellua më tej në pikëpamjet e saj për dashurinë bashkëkohore.

Sipas Eglit, shoqëria e sotme po neglizhon thelbin e dashurisë. “Njerëzit nuk po investojnë më kohë tek tjetri. Në një marrëdhënie, vajza ka të drejtën të jetë më e llastuar, duhet të jetë ajo princesha, jo mashkulli. Kjo duhet ta vlerësojë edhe partneri, sepse e bën atë më të fortë,” u shpreh ajo, duke kritikuar gjithashtu prirjen e meshkujve për të përdorur luksin si mjet impresionimi në vend të ndjenjave autentike.

Egli foli gjithashtu për vendimin e saj për të braktisur fizikun e saj tepër muskuloz të arritur në palestër.

Ajo deklaroi se preferon fizikun e saj aktual, të cilin e përshkroi si më të hollë dhe më gruaje.

Kur u pyet rreth statusit të saj romantik, Egli nuk e fshehu se ndjen mungesën e një personi të dashur, veçanërisht gjatë fundjavave, por theksoi se nuk do të hynte kurrë në një marrëdhënie që nuk i sjell lumturi.