Efit nuk i del inati, përplaset me motrën e Olta Gixharit pasi del nga shtëpia

Pas eleminimit nga shtëpia e Big Brother, Efi ishte e ftuar sot në “Big Brother Fan Club” për të folur për lojën e saj dhe raportin me banorët. Opinioniste e emisionit sot ishte pikërisht motra e Olta Gixharit, me të cilën Efi ka pasur shumë përplasje brenda shtëpisë.

Gerta Gixhari nisi të ngrinte menjëherë tonin e zërit me Efin dhe t’i kundërvihej për çdo përgjigje. Megjithëse tha se kishte ardhur si gazetare dhe s’do ta komentonte lojën e Oltës, ajo sërish tregoi “inatin” e saj për Efin si konkurrente dhe faktin që ajo ishte “grup” me Luizin.

Luizit i mungon mikja e tij më e mirë, këngëtari preket teksa pi kafen e mëngjesit! Shpërthen në lot për Efin

Madje, një kakofoni u krijua në studio dhe dy vajzat patën një përplasje.

“Nuk kam nevojë për këshilla, sidomos të tuat. Jam mësuar me një si puna jote brenda, nuk më duhesh ti.”- i tha Efi asaj.

Ish-konkurrentja u shpreh se ishte i padrejtë eliminimi i saj.

“Mënyra sesi dola nuk ishte fare e këndshme. Dea ishte vetëm një ushtar, nuk e kam me të. Normal që e kam me Oltën.”

Gjithashtu ajo shtoi se i kishte dëgjuar të gjitha ofendimet, kërcënimet e bisedat horror në shtëpi, që nuk u transmetuan.

“S’më duket normale që jepen gjërat që Luizi thotë, ndërkohë që nuk jepen gjërat që fliten për të nga Dea dhe Amos (t’i lidhim, t’i djegim) dhe i japin moral pikërisht atij personi.”