Edi e pret në “shtëpi” Dolçe puthet në Itali

Së fundmi në rrjetet sociale po qarkullojnë shumë video dhe diskutime rreth Dolce-s, banorja e “Big Brother VIP Kosova”, e cila për shkak të një bashkëpunimi mes formatit kosovar dhe atij italian udhëtoi për një javë drejt “Grande Fratello”-s. Fillimisht, produksioni i BBVK ua komunikoi banorëve se Dolce ishte larguar për një çështje familjare, pa dhënë detaje të tjera. Kjo i la të gjithë të habitur, sidomos Edin, me të cilin ajo kishte krijuar një romancë brenda shtëpisë.

Pas transmetimit të pamjeve nga hyrja e saj në “Grande Fratello”, u vu re se një nga djemtë e shtëpisë italiane e vëzhgonte Dolcen me interes, gjë që ndezi menjëherë xhelozinë e Edit. Kjo situatë, e kombinuar me reagimet e publikut, çoi në shpërndarjen e videove të edituara në rrjet, ku paraqitej sikur Dolce ishte puthur me një konkurrent brenda formatit italian.

Pamjet u shpërndanë me shpejtësi dhe krijuan konfuzion tek publiku, por u bë e ditur shumë shpejt se ato ishin të krijuara me inteligjencë artificiale dhe nuk pasqyronin realitetin. Disa komentues ranë pre e këtij montazhi dhe reaguan negativisht ndaj Dolces, ndërsa të tjerë kuptuan menjëherë se bëhej fjalë për përmbajtje të manipuluar digitalisht.

Ngjarja ka hapur diskutime të reja mbi rreziqet e videove të rreme dhe ndikimin që mund të kenë tek opinioni publik, sidomos në formate me ndjekje të madhe si Big Brother.