Dua Lipa e zhgënjyer nga fansat: “Ata nuk më besojnë që pëlqej librat”

Dua Lipa është një nga yjet më të mëdha të popit për momentin, por këngëtarja ka shprehur zhgënjimin e saj me perceptimin e publikut për të.

“Nuk e di nëse njerëzit besojnë se më pëlqen të lexoj libra”, tha ajo. “Ata nuk duan që ne të jemi të zgjuar. Por ka shumë më tepër gjëra rreth meje se thjesht ajo që unë di të bëj”, u shpreh këngëtarja.

Qe nga suksesi i saj nga kënga “New Rules” në vitin 2017, këngëtarja shqiptare ka hapur një klub librash, një buletin për stilin e jetës dhe një festival ndërkombëtar muzikor në Prishtinë.

Ajo gjithashtu ka marrë vëmendje për pikëpamjet e saj politike – duke kritikuar qëndrimin e qeverisë së Mbretërisë së Bashkuar ndaj imigracionit dhe së fundmi duke bërë thirrje për një armëpushim në Gaza.

Duke folur në një intervistë për “Rolling Stone”, ajo tha se botëkuptimi i saj ishte formësuar nga përvoja e prindërve të saj për të ikur nga lufta në Kosovë në fund të viteve 1990.

“Ekzistenca ime është disi politike, fakti që kam jetuar në Londër sepse prindërit e mi u larguan nga lufta”, tha ajo.

“Ndjej për njerëzit që duhet të largohen nga shtëpia e tyre. Nga përvoja ime e të qenit në Kosovë dhe të kuptuarit se çfarë bën lufta, askush me të vërtetë nuk dëshiron të largohet nga shtëpia e tyre. Ata e bëjnë këtë për mbrojtje, për të shpëtuar familjen e tyre, për t’u kujdesur për njerëzit përreth tyre, për një jetë më të mirë.”

Ylli tha se pa ngjashmëri mes asaj që kaluan prindërit e saj dhe situatës në të cilën ndodhen aktualisht palestinezët, gjë që e shtyu atë të nënshkruante një peticion që bënte thirrje për një armëpushim.

Megjithatë, ajo ishte gjithashtu kritike për mizoritë e kryera nga Hamasi gjatë sulmit të tyre vdekjeprurës ndaj Izraelit tetorin e kaluar.

“Unë nuk e fal atë që po bën Hamasi,” tha ajo. “Ndihem shumë keq për çdo jetë të humbur izraelite dhe atë që ndodhi më 7 tetor.

Për momentin, ajo që duhet të shikojmë është se sa jetë kanë humbur në Gaza, civilë të pafajshëm dhe jetë fëmijësh që po humbin akoma.

Ndërsa ylli ka dhënë deklarata për pikëpamjet e saj politike, ajo është më pak e hapur në intervista për jetën e saj personale.