“Donte vetëm famë”, Roza Lati publikon të dashurin dhe sqaron marrëdhënien (FOTO LAJM)

Roza Lati ka realizuar së fundmi një set fotografik, që e ka rikthyer në qendër të vëmendjes mediatike. Roza u shfaq shumë seksi dhe sensuale, teksa shihej me një zemër në dorë dhe e mbuluar me gjak.

Para publikimit të këtyre imazheve ajo la një shënim në Instagram, që i bëri ndjekësit të dyshonin se i kishte dhënë fund marrëdhënies me partnerin e saj.

“E pashë që nuk më donte për Rozën më donte për Roza Latin. E pashë që më adhuronte vetëm në skenë, nuk më adhuronte në shtëpi. E pashë që ishte i dashuri perfekt vetëm kur ishim mes njerëzve dhe jo kur ishim vetëm. E pashë që ai adhuronte famën. Me thoshte ta ‘ha zemrën’ dhe unë ja hëngra vërtetë”, shkroi Roza para postimit të fotove.

Mirëpo duke qenë se ndjekësit nuk e kuptuan se bëhej fjalë thjesht për një projekt artistik, Roza u detyrua të shpjegonte se si qëndron e vërteta e marrëdhënies së saj. Moderatorja ka publikuar në Instagram një foto me të dashurin e saj misterioz, që si gjithmonë ja ka fshehur fytyrën me një ’emoji’.

Roza ka tregur se ajo është shumë e lumtur me të dashurin e saj dhe se e do shumë. Ajo shprehet se fotot dhe shënimi i lënë në Instagram nuk kanë fare lidhje me jetën e saj personale.

“Zemrat e mia, shoh qe jeni shume te shqetesuar se kush me paska zhgenjyer mua ne ate far feje qe une bera setin “Ta ha zemren”. me keni bllokuar inboxin… Po ju ve ne dijeni publikisht, qe une jam shume e lumtur dhe Ok me te dashurin tim. E dua vertete.

Seti “ta haj zemren” ishte nje frymezim kur pam zemren e silikonit te punuar aq reale sa thash… “ëoë” duhet ta bej nje foto me kete. Normal qe nje organ ne dore do foto hardcore, do nje set te eger. Dhe parukja bjonde na coi ne Mood te Divave qe kane qene gjithmone te zhgenjyera nga meshkujt. Keshtu qe, asgje personale. Just Show! And Wild Fun! Ju dua shume!”, shkruan Roza në postim.