Dalin çift nga “Përputhen”? Çfarë thotë mamaja e Jasminës për Andin

Teksa të gjithë mendonin se Jasmina dhe Andi do të dilnin çift nga “Për’puthen”, ata i habitën të gjithë në takimin e tyre të fundit. Edhe pse në fillim i bënë dhurata njëri-tjetrit, më vonë Andi bëri një deklaratë shumë të papritur.

Ai u shpreh se ka nevojë për hapësirë dhe se ky vendim nuk ka lidhje vetëm me Jasminën, por edhe me disa gjëra personale. Madje më vonë gjatë këtij takimi, Jasmina i tha atij se biseda mes tyre ishte shumë e shëmtuar.

Tashmë të gjithë e kanë kuptuar se Jasmina ka ndjenja për Andin. Por çfarë mendon mamaja e saj për të? Gjatë takimit, Jasmina preferoi të mos ia tregonte, duke thënë se mamaja e saj ka mendim të mirë për Andin por ajo s’do që ta pranojë.

Por mesa duket mamaja e konkurrentes ka folur së fundmi në videon live të së bijës, duke treguar mendimin për Andin që me siguri ai s’e ka pritur.

“Jasmina është numër 1, Andi është plotësues”, ka thënë ajo, duke shtuar “O Zot kjo do përdoret kundër”.

“Por duhet patur parasysh diçka, se kur pyetet prindi është fëmija i pari, pastaj pjesa tjetër”, sqaron ajo.