Ç’po ndodh me familjen mbretërore? Harry dhe Meghan refuzojnë ftesën për të vizituar Britaninë!

Javët e fundit, është folur gjatë për familjen mbretërore, pasi u zbulua se princesha e Uellist Kate Middleton dhe mbreti Charles III janë diagnostikuar me kancer. Nga ana tjetër, familja mbretërore britanike është gjetur edhe një herë në qendër të vëmendjes teksa shpaloset një tjetër histori domethënëse që nxjerr në pah ekuilibrin delikat midis detyrës publike, jetës private dhe kufijve personalë.

Mendohet se Kate Middleton dhe Princi William kanë kontaktuar Princin Harryn dhe Meghan Markle duke i nxitur ata të sillnin Archie dhe Lilibet për të vizituar MB. Kjo vjen pas pretendimeve se Harry ishte i zhgënjyer, fëmijët e tij, Archie dhe Lilibet, nuk kanë pasur shans të lidhen me kushërinjtë e tyre dhe kanë humbur mbledhjet familjare, si Pashkët. Tom Quinn beson se kjo ftesë nënkupton përpjekjen e Princit dhe Princeshës së Uellsit për të ndrequr marrëdhëniet e tensionuara midis 2 degëve të familjes. Një burim pretendon se dukesha e Sussex-it e ka refuzuar ftesën.

Kjo nuk është hera e parë që Quinn i bën këto pretendime për Harry-n dhe Meghan-in. Princi Harry dhe Meghan Markle thuhet se kishin refuzuar një ftesë tjetër për të vizituar Mbretërinë e Bashkuar me fëmijët e tyre. Ky vendim vjen mes një rënie të popullaritetit për çiftin dhe tensioneve të vazhdueshme brenda familjes mbretërore. Udhëtimi i tyre i planifikuar u ndërpre për shkak të shqetësimeve të sigurisë, duke nxjerrë në pah kompleksitetin e marrëdhënies së tyre me institucionin të cilit dikur i shërbenin.