Fenice Retail Srl, kompania e kontrolluar 100% nga Fenice Srl (ku Chiara Ferragni zotëron 99.8% dhe Pasquale Morgese 0.2%), merrej me menaxhimin e drejtpërdrejtë të dyqaneve fizike të markës Chiara Ferragni, duke u kujdesur për aktivitetin e shitjeve me pakicë përmes pikave zyrtare të shitjes.
Kjo kompani është vendosur së fundmi në likuidim, pas mbylljes së dyqaneve në Milano dhe në Romë (rruga “Via del Babuino”).
Sipas asaj që raporton Il Sole 24 Ore, humbjet e akumuluara midis viteve 2023 dhe 2024 arrijnë në 1.21 milionë euro, me të ardhura totale prej vetëm 644 mijë euro dhe shpenzime rreth 2 milionë euro.
Në veçanti, në vitin 2023 humbjet ishin 530 mijë euro, ndërsa në vitin 2024 u rritën në 684 mijë euro, edhe për shkak të ndikimit negativ të të ashtuquajturit “Pandoro Gate”.
Situata ekonomiko-financiare e sektorit të retail-it solli pasoja të rëndësishme në mbledhjen e aksionarëve të kompanisë mëmë, Fenice Srl, duke u kthyer në një nga pikat kryesore të përplasjes mes administratorit të vetëm Claudio Calabi dhe ortakut minoritar Pasquale Morgese.
Mosmarrëveshjet e ngritura kishin të bënin me mungesën e dokumentacionit, përfshirë bilancin e Retail-it, dhe me praninë në bilancin e grupit të 1.6 milionë eurove në shpenzime dhe ulje vlerash të lidhura me kompaninë bijë, pa pasur plane zyrtare mbylljeje që të justifikonin këto shuma.
Për shkak të një kapitali neto negativ, që uli kapitalin themeltar nën minimumin ligjor, u vendos likuidimi i Fenice Retail, me emërimin e Calabi si likuidues.
Për të përballuar humbjet dhe për të rivendosur balancën financiare të kompanisë mëmë, Fenice Srl kreu një rritje kapitali prej 6.4 milionë euro, të cilën e mbuloi plotësisht Chiara Ferragni.
Falë kësaj operacioni, sipërmarrësja forcoi më tej kontrollin e saj mbi kompaninë, e cila gjatë viteve 2023-2024 ka regjistruar humbje të përgjithshme prej rreth 10.2 milionë euro.
Dashi Ju pret një ditë e mbushur me nervozizëm gjatë së cilës do ju duhet të debatoni me dikë, gjë…
Një vrasje raportohet se ka ndodhur mbrëmjen e sotme në lagjen Hajvali të Prishtinës. Sipas mediave të Kosovës viktima është…
Sinjalet që na dërgon trupi, kur diçka nuk shkon mirë, nuk duhet të lidhen domosdoshmërisht me dhimbjet. Disa shenja mund…
Një person është vënë në pranga, ndërsa dy të tjerë janë nën hetim, pasi akuzohen si shkaktarë të ndezjeve të…
Presidenti iranian, Masud Pezeshkian, ka paralajmëruar se shteti i tij përballet me përshkallëzim konflikti me Shtetet e Bashkuara, nëse nuk…
Shiu i meteorëve Perseid pritet të arrijë kulmin në mesin e gushtit dhe konsiderohet më i miri i vitit. NASA…