Capital T do ta festojë 30 vjetorin sot, nesër apo pas 4 vitesh?

Të lindurit në vitin e brishtë, më 29 shkurt, kanë një ditëlindje ndryshe nga kushdo tjetër. Kjo datë është vetëm një herë në katër vjet në kalendar, por për të festuar askush nuk pret katër vjet, pasi mund të zgjedhin 28 shkurtin apo 1 marsin.

Thonë se ata që kanë lindur në këtë datë janë karakterizuar gjithmonë nga një prirje jashtëzakonisht e lartë për krijimtarinë dhe artin.

Mes tyre është edhe Capital T. Reperi shumë i dashur nga Kosova ka lindur më 29 shkurt dhe këtë vit bën 30 vjeç. Nuk e dimë se kur do e festojë artisti ditëlindjen, por ju mund t’ia uroni sot, nesër ose të prisni katër vite.

Deri tani ai nuk ka postuar ende asgjë në rrjetet sociale dhe ka mundësi që Capitali të jetë nga ata persona që e feston ditëlindjen më 1 mars.

Edhe Superman (edhe pse nuk është një personazh real) ditëlindjen e feston gjithmonë më 29 shkurt, si për të treguar superfuqinë e një njeriu. Personazhe të tjerë të famshëm që kanë lindur më 29 shkurt janë: Tony Robbins, Mark Foster, Usher, Ferran Torres, etj.