showbiz

“Berishën e kam xhan por mos ta kthejë në komunizëm!” Ilir Vrenozi nuk e jep votën, i mbetet qejfi me kandidatin e PD-së: Nuk ka garë vetëm me veten

Demokrati i flaktë, Ilir Vrenozi, ka reaguar ashpër ndaj procesit zgjedhor për kreun e Partia Demokratike, ku kandidat i vetëm është Sali Berisha.

Përmes një deklarate në rrjetet sociale, Vrenozi u shpreh se nuk mund të ketë garë reale kur në fletën e votimit ndodhet vetëm një emër, duke e cilësuar procesin si “ofendim” për demokratët.

Të lidhura

None found

Gjithashtu ai theksoi se është i djathtë në bindje dhe se mund të pranojë një proces që, sipas tij, nuk ofron alternativë apo konkurrencë të vërtetë.

Po ashtu, ai kujtoi se në zgjedhjet e mëparshme, ku kishte disa kandidatë në garë, ndërsa këtë herë refuzoi të marrë pjesë në votim pikërisht për mungesën e garës.

“Kur votova Lulin ishin 4-5 veta. Edhe tani mos kërko nga Vrenozi të votojë kur në listë është vetëm një emër, të lutem, se më ofendon,” theksoi ai.

Vrenozi deklaroi se situata aktuale në PD po i jep një avantazh Edi Ramës edhe për zgjedhjet e ardhshme.

Deklarata e plotë:

Mirmëngjes o bir, shëndetin të kemi ne që s’kemi lekë, themi që hajde shëndeti, se lekët shkojnë e vijnë. Unë jam i djathtë, mos thuaj demokrat, se demokrat mund të bëhet edhe një socialist, se i djathtë lind edhe kur lind ke disa parime. Ti sot mund ta thuash me shaka që ‘Vrenoz pse nuk je aty edhe pse nuk votove’, por Vrenozi është i djathtë edhe nuk e do komunizmin dhe kur nuk ka garë, Vrenozi nuk voton.

Kur votova Lulin ishin 4-5 veta. Edhe tani mos kërko nga Vrenozi të votojë kur në listë është vetëm një emër, të lutem, se më ofendon. Unë doktorin e kam xhan, kam 35 vite që e ndjek, por unë për të respektuar gjakun tim, njerëzit e nënës që kanë vdekur në biruca, për gjakun e tyre i respektoj, nuk dua të kthehet në thonjëza komunizmi, se më duket se do bie faj po vajta aty. Për mua më mirë mos të bëheshin votimet, sesa të quhen votime këto.

Unë jam tjetër marke, unë anoj nga e djathta edhe unë s’e shpërdoroj votën. Unë kë të votoj, doktorin Saliun apo Berishën? Unë e dua doktorin. Ne themi nuk ka tjetër, sa thua nuk ka tjetër nuk ka parti. Unë s’dua të flas more, edhe deputetë më thonë që e ka pronë private more. Unë pse ta mbyll veten që të shkoj të votoj? Unë e quaj ulje për çdo njeri të djathtë që të vejë të votojë sot. Ne duam garë, por ku është gara more biri i nënës? Unë mendoj se ky votim i sotëm vulos Ramën në 2027 edhe 2029, absolutisht. Nuk mjafton të vish në pushtet.

Unë e kam thënë që në 2023 nuk vijmë dot në pushtet. Unë kur të mbyllet në orën 18:00 do trishtohem, se nuk ka lidhje me demokracinë e të djathtës këto zgjedhje. Unë kam bërë një status që më mirë mos të bëhen fare zgjedhjet, do ishte më e ndershme. Edi Rama po fiton çdo zgjedhje, ne nuk dimë ku kemi kokën. Vetëm një shans ka Berisha për mua, në 30 maj ku është kuvendi kombëtar, ta pastrojë edhe ta qelizojë të gjithë kryesinë, edhe aty nuk duhet të ketë humbës. Hiqi të vijnë të rinj, këta e kanë postin privat more vëlla, unë s’e marr vesh.

të fundit

Dorëheqja e Jensen Huang trondit Nvidia-n: dyshimet për spiunazh zbulojnë çështje më të mëdha

Dorëheqja e Jensen Huang nga drejtimi i gjigantit amerikan të teknologjisë Nvidia, pas raportimeve për disa marrëdhënie jashtëmartesore, përfshirë një…

24 minutes ago

Liga e Kombeve ka shtatë çerekfinalistë, Danimarka dhe Norvegjia vendosin biletën e fundit

Shtatë nga tetë çerekfinalistët e Ligës së Kombeve për edicionin 2026/27 tashmë janë përcaktuar. Pas ndeshjeve të së hënës, Gjermania…

25 minutes ago

36-year-old firefighter dies after falling from a cliff while hiking in Missouri

Një ngjarje tragjike ka tronditur komunitetin në Misuri të SHBA-së, ku një zjarrfikëse 36-vjeçare ka humbur jetën pasi ka rënë…

34 minutes ago

19-year-old avoids prison after harassing four recruits in the British Royal Navy

Një ngjarje skandaloze ka tronditur Marinën Mbretërore Britanike. [...] Read More... The post Ngacmoi katër rekrute në Marinën Mbretërore britanike,…

34 minutes ago

Abel Núñez, 16-vjeçari i FC Ezeiza, humb jetën pas goditjes me top në kokë

Një ngjarje tragjike ka tronditur futbollin argjentinas. Abel Núñez, futbollist vetëm 16-vjeçar i FC Ezeiza, ka ndërruar jetë të dielën,…

37 minutes ago

Agim Ademi takon fëmijët e diasporës në Skoci: Talentet ta ndiejnë Kosovën si shtëpinë e tyre

Presidenti i Federatës së Futbollit të Kosovës, Agim Ademi, ka ndarë momente të veçanta me fëmijët e bashkatdhetarëve shqiptarë në…

49 minutes ago