Benita deklaron që është aktiviste bamirësie, tregon që e kishte shpëtuar një qen

Banorja e Big Brother VIP Kosova, Benita, ka treguar se është e angazhuar në aktivitete bamirësie dhe për të drejtat e kafshëve, duke ndarë me shokët e saj të shtëpisë disa përvoja personale që reflektojnë dashurinë dhe kujdesin e saj ndaj kafshëve.

Gjatë një bisedë me Toneyn dhe Ibron, Benita rrëfeu se nuk është vetëm një dashamirëse e kafshëve, por një aktiviste e vërtetë, e cila vepron nga zemra dhe jo për të fituar vëmendje në rrjetet sociale.

Ajo tha: “Mua më vjen inati prej aktivistëve. Aktiviste jam vet, jam vet dashamirëse, iu ndihmoj tepër shumë. Po nuk jam tip që postoj, çka do që bëj e bëj prej zemrës”.
Më tej, ajo tregoi një rast që e kishte prekur thellë. Benita pa një qen të lënë i vetëm në ballkon për tre ditë rresht, duke u shqetësuar për sigurinë dhe mirëqenien e tij.

Në vend që të rrinte e pafuqishme, ajo vendosi të njoftojë autoritetet, duke thirrur policinë. Për fat, situata u zgjidh me ndërhyrjen e zjarrfikësve, të cilët e ndihmuan qenushin të shpëtohej dhe të kthehej në një ambient të sigurt.

Rasti tregoi përkushtimin e Benitës ndaj krijesave të pambrojtura, duke e bërë të qartë se aktivizmi i saj nuk është thjesht një deklaratë, por një pjesë e rëndësishme e jetës së saj.