Atdheu dhe Antonela nuk fshihen, “arratisen” në Milano dhe i tregojnë botës (FOTO LAJM)

Atdheu u rikthye në “Përputhen” dhe duket se qëllimet e konkurrentit janë të qarta. Veçse trazoi ujërat, gjithandej po përflitet për marrëdhënien e tij dhe të Antonelës dhe dyshja nuk po I ndahen njëri-tjetrit.

Konkurrentja u shpreh se kishte një pëlqim akoma për të dhe madje kërkoi me ngulm kthimin e Atdheut në program.

“Kam ardhur në emision dhe ke qenë një ndër pëlqimet e mia kryesore dhe nga krenaria që kemi të dy nuk kemi dalë kurrë bashkë. Gjithsesi pëlqimi ka mbetur dhe sot. Kur kam ardhur tek lokali kam ardhur për respektin që kisha për ty dhe për pëlqimin. Kur më the që po të coj në shtëpi, e kisha besën. Ti u afrove i pari si mashkull, por nuk e prisja dhe ngaqë është një nga rregullat e emisionit që nuk duhet të takohemi e puthemi”, i tha Antonela.

Duket se vendimi i produksionit është marrë. Atdheu është rikthyer në emision dhe madje ka zhvilluar takimin me Antonelën. Në rrjet kanë qarkulluar foto të dyshes gjatë takimit që ende nuk është transmetuar.

Mirëpo, nuk e dimë ç’po ndodh së fundmi, pasi Atdheu dhe Antonela janë “arratisur” së bashku jashtë vendit. Ata kanë publikuar të dy story nga i njëjti vend, në Milano të Italisë dhe s’e kanë pasur aspak problem të dalin hapur e t’i tregojnë të gjithëve ku janë.

Ende nuk dihet nëse vendimi i tyre ka qenë të largohen nga emisioni, apo udhëtimi në Milano ka qenë për qëllime xhirimesh.