Aktori i serialit “Patito Feo” akuzohet për përdhunim, dënohet me 6 vite burg

Gjykata e Brazilit e ka dënuar me 6 vite burg aktorin Juan Darthes për abuzim seksual të aktores argjentinase Thelma Fardin, aktore e telenovelës së suksesshme “Patito feo”, kur ajo ishte 16 vjeç dhe të dy ishin në turne në Nikaragua.

“Ky është një skenar për të cilin unë nuk isha e përgatitur sepse kisha humbur besimin te drejtësia. Kjo fjali duhet të jetë një shpresë për të gjithë ata njerëz që vuajnë nga abuzimi” tha aktorja në një konferencë për shtyp në Buenos Aires, bashkë me avokatët.

Në vitin 2018, aktorja akuzoi Darthes se kishte abuzuar me të në Nikaragua në vitin 2009, kur ajo ishte 16 vjeç dhe ai 45, ndërsa ata po promovonin serialin. Në vitin 2019, Nikaragua urdhëroi kapjen ndërkombëtare të Darthés, por aktori ndodhej në Brazil, vend ky i cili nuk ekstradon shtetasit e tij.

Darthes ishte shpallur i pafajshëm një vit më parë në shkallën e parë në gjyqin e zhvilluar nga drejtësia braziliane që nga nëntori 2021. Vendimi u apelua nga Fardin, i cili theksoi se “Drejtësia thotë se ai është fajtor”.

“Sot ndjej lehtësim. Ky skenar ishte ai që prisja kur nisa të gjithë këtë rrugëtim, që nuk kishte të bënte kurrë me dëshirën për t’u hakmarrë. Për mua gjëja e rëndësishme ishte të shpëtoja veten time 16-vjeçare”, tha aktorja 31-vjeçare.