Adrian Gaxha shfaqet në jug të Shqipërisë, a është kjo vajza që i ka “rrëmbyer” zemrën?

Këngëtari Adrian Gaxha, prej kohësh larg projektorëve dhe skenës muzikore, por duket se ka zgjedhur një tjetër mënyrë për të tërhequr vëmendje, këtë herë jo me një hit veror, por me një “pushim romantik”.

Këngëtari i njohur është fotografuar në jug të Shqipërisë, në shoqërinë e një vajze të panjohur për publikun.

Të dy u panë në momente të afërta, me buzëqeshje të ndërsjella dhe atmosferë relaksi që flet vetë.

Megjithëse nuk ka asnjë konfirmim zyrtar për statusin e tij sentimental, fansat e artistit kanë nisur të dyshojnë për një lidhje të re, sidomos kur Gaxha s’është parë shpesh në dalje publike kohët e fundit.