A do jetë Ermal Mamaqi? Sot finalja e “Ferma VIP”, Eduart Grishaj zbulon disa surpriza të mbrëmjes së madhe: Roli i pazakontë i Arbanës

Eduart Grishaj zbulon detaje nga finalja e “Ferma VIP”: Do të jemi në mes të natyrës, larg studios dhe teknologjisë së mbyllur

Pak orë para finales së madhe të “Ferma VIP”, regjisori Eduart Grishaj ka zbuluar disa nga surprizat që presin publikun në natën përmbyllëse të spektaklit.

I ftuar në emisionin “Mes’dritë” në Vizion Plus, Grishaj tregoi se finalja do të zhvillohet në një ambient krejtësisht ndryshe nga ai që publiku ka parë deri tani.

“Do të jemi në qiell të hapur. Sot jemi komplet ndryshe; nuk jemi më brenda, por jashtë në natyrë, ashtu siç i shkon këtij formati, në mes të pyllit, në mes të ujit, kafshëve dhe shpendëve. Do të jemi të gjithë bashkë. Kemi ardhur te natyra, larg studios dhe teknologjisë së mbyllur”, u shpreh ai.