Zllatko Perinski emërohet ushtrues detyre i drejtorit të Fondit të Sigurimeve Shëndetësore

Qeveria vendosi në seancën e sotme që Zllatko Perinski të marrë detyrën e ushtruesit të detyrës së Drejtorit të Fondit të Sigurimeve Shëndetësore të Republikës së Maqedonisë së Veriut. Emërimi i tij u bë me propozim të ministrit të Shëndetësisë, Sasho Klekovski.

Në njoftimin qeveritar për këtë vendim thuhet se Perinski ka përfunduar studimet master në menaxhimin e burimeve njerëzore. Gjatë karrierës profesionale, ai ka mbajtur postin e Ministrit të Vetëqeverisjes Lokale, ka drejtuar Ndërmarrjen Publike “Ujësjellës dhe Kanalizime” – Shkup si Drejtor i Përgjithshëm dhe ka qenë Menaxher i Kompleksit Sportiv “Boris Trajkovski”.

Propozimi për vendosjen e Perinskit në krye të Fondit u kundërshtua fuqishëm nga opozita, e cila ngriti si argument faktin se ai është diplomuar në Fakultetin e Edukimit Fizik./Telegrafi/