Vendoset data e takimit Kovaçevski-Mickoski, çfarë do të diskutojnë

Qeveria e Maqedonisë së Veriut ka njoftuar se kryeministri Dimitar Kovaçevski do të takohet më 7 qershor me liderit të VMRO-së, Hristijan Mickoski.

“Ju njoftojmë se me ftesë të Kryetarit të Qeverisë së Republikës së Maqedonisë së Veriut, Dimitar Kovaçevski, do të mbahet takim mes Kryeministrit Kovaçevski dhe liderit të VMRO-së, Hristijan Mickovski. Takimi është caktuar për më 7 qershor të vitit 2023 (e mërkurë) në Klubin e Deputetëve në orën 11:00”, thonë nga qeveria e RMV-së.

Në takim, shtojnë nga atje, do të diskutohet para së gjithash për vendimet që duhet të miratohen në Kuvend për vazhdimin e integrimeve evropiane të Republikës së Maqedonisë së Veriut, si dhe për qasjen e shtetit, institucioneve dhe të gjithë akterëve politikë në drejtim të ndërtimit dhe mbajtjes së marrëdhënieve të mira fqinjësore me të gjithë fqinjët tanë.