Tetovari 32-vjeçar arrestohet pasi tentoi grabitje me thikë në kazino

Një 32-vjeçar nga Tetova është vënë në pranga nën dyshimin se ka tentuar të grabisë një kazino në qytet, duke i kanosur punonjësit me thikë.

Sipas Ministrisë së Punëve të Brendshme, K.V. (32) nga Tetova është privuar nga liria më 15 korrik 2026. Ai dyshohet se po atë ditë, rreth orës 11:05, kishte tentuar të kryente veprën penale “grabitje” në një kazino në Tetovë.

Gjatë kontrollit të kryer pas arrestimit, policia ka konstatuar se i dyshuari ishte nën ndikimin e alkoolit. Alkotesti ka treguar praninë e 2.49 promilë alkool në gjak.

32-vjeçari është mbajtur në stacion policor, ndërsa pas zbardhjes dhe dokumentimit të plotë të rastit ndaj tij do të dorëzohet kallëzimi përkatës.