Të dënuarit në Maqedoni angazhohen për shtatë ditë në pastrimin e rrugëve kryesore dhe rajonale

Për një javë, persona të dënuar nga pothuajse të gjitha burgjet e vendit do të marrin pjesë në aksionin për pastrimin e rrugëve magjistrale dhe rajonale, njoftoi Drejtoria e Zbatimit të Sanksioneve.

Nisma shtatëditore ka nisur sot dhe do të vijojë deri më 22.07.2026. Ajo realizohet nga Drejtoria e Zbatimit të Sanksioneve dhe NP Rrugët e Maqedonisë, në bazë të Memorandumit të Bashkëpunimit të nënshkruar për angazhimin e punës së të dënuarve. Qëllimi është ruajtja e pastërtisë në rrugët kryesore dhe rajonale në të gjithë territorin e Republikës së Maqedonisë.

Në aksion janë përfshirë Burgu i Idrizovës, Burgu i Shtipit, Burgu i Prilepit, Burgu i Kumanovës, Burgu i Manastirit, Burgu i Shkupit, Burgu i Gjevgjelisë, Burgu i Strumicës dhe Burgu i Strugës.

Veprimtarinë e sotme e ndoqën zëvendësdrejtori i NP Rrugët e Maqedonisë, Aleksandar Shukovski, si edhe Jovan Petrov dhe Ljupço Nastoski nga Kabineti i Drejtorit të Zbatimit të Sanksioneve.

Sipas Drejtorisë, të dënuarit që punojnë në rrugët magjistrale dhe rajonale angazhohen pranë institucioneve ku po vuajnë dënimin dhe qëndrojnë vazhdimisht nën mbikëqyrjen e pjesëtarëve të policisë së burgjeve.