Categories: maqedoni

QMK-ja bashkërendoi evakuimin e sigurt të dy të huajve nga zona e Piribegut

Në orën 08:22 të ditës së sotme, Qendra për Menaxhim me Kriza (QMK) mori përmes Numrit të Vetëm për Thirrje Emergjente 112 njoftimin për dy shtetas të huaj që, teksa ngjiteshin drejt majës së Piribegut, u zunë nga moti i keq. Ata u strehuan në një objekt malor në territorin e Republikës së Maqedonisë së Veriut, pranë kufirit me Republikën e Kosovës.

Të lidhura

None found

Vlerësimi i qasjes në vendngjarje tregoi se nga Maqedonia e Veriut objekti mund të arrihej vetëm në këmbë. Për shkak të kushteve atmosferike, udhëtimi deri atje do të zgjaste mbi gjashtë orë në një drejtim. As ndërhyrja me helikopter nga kjo anë nuk ishte e mundur, për shkak të shiut dhe mjegullës. Nga ana e Kosovës, ndërkaq, kishte rrugë të kalueshme prej qendrës së skijimit në Brezovicë deri te objekti ku ndodheshin dy personat.

Pas marrjes së njoftimit, Qendra Rajonale për Menaxhim me Kriza (QRMK) – Tetovë lajmëroi institucionet përkatëse: Stacionin Policor në Tearcë, Qendrën e Urgjencës (QU) në Tetovë, Drejtorinë për Mbrojtje dhe Shpëtim – Njësinë Rajonale në Tetovë dhe udhëheqësin e QRMK-së – Tetovë. Po ashtu, Qendra Operative e Kujdestarisë pranë QMK-së njoftoi udhëheqësin e sektorit, zëvendësudhëheqësin e kësaj qendre dhe Kabinetin e drejtorit.

Me udhëzim të drejtorit të QMK-së, udhëheqësi i QRMK-së – Tetovë u lidh me NP „Pyjet Kombëtare“ – dega Tetovë. Nga kjo ndërmarrje u bë e ditur se do të njoftoheshin kolegët në Kosovë për organizimin e evakuimit. Meqë terreni ishte më lehtë i arritshëm nga Kosova, u vlerësua se mënyra më e përshtatshme ishte transportimi i personave me automjet përmes rrugës nga ana kosovare. Gjatë koordinimit u kontaktua edhe Shërbimi i Kërkim-Shpëtimit Malor i Kosovës.

Në orën 11:45, Qendra Operative e Kujdestarisë pranë QMK-së komunikoi drejtpërdrejt me njërin prej shtetasve, fillimisht përmes telefonatës e më pas me SMS. Atij iu bë e ditur se një ekip nga Kosova do të mbërrinte për t’i evakuuar ata në mënyrë të sigurt.

Informacioni i përcjellë në orën 14:21 nga Shërbimi i Kërkim-Shpëtimit Malor të Kosovës konfirmoi se ekipet po mbanin komunikim të vazhdueshëm me dy personat. Të dy shtetasit e huaj ishin në gjendje të mirë shëndetësore dhe evakuimi i tyre parashikohej të kryhej rreth orës 16:00.

Në orën 16:50, QMK-ja u njoftua se dy shtetasit ishin gjetur në gjendje të mirë shëndetësore dhe po transportoheshin drejt një lokacioni në Shtërpcë, Republika e Kosovës.

Gjatë gjithë operacionit, Qendra për Menaxhim me Kriza bashkërendoi komunikimin mes shërbimeve kompetente të Republikës së Maqedonisë së Veriut dhe Republikës së Kosovës, për të mundësuar evakuimin e sigurt të personave.

të fundit

Supreme Court upholds Francesco Becchetti’s 12-year prison sentence

Gjykata e Lartë ka lënë në fuqi vendimin e Apelit për dënimin me 12 vite burg të biznesmenit italian Francesco…

4 seconds ago

Kosovo Security Force and Kosovo Police conduct exercise with partners from the US, Albania and Croatia

Forcat e sigurisë së Kosovës, së bashku me forcat partnere nga Shtetet e Bashkuara të Amerikës, Shqipëria dhe Kroacia, kanë…

26 seconds ago

Kosovo hires lobbying firm in the US again after more than two years

Pas më shumë se dy vjetësh pa asnjë lobist të angazhuar në Shtetet e Bashkuara, këtë muaj Kosova ka lidhur…

44 seconds ago

Lack of quorum prevents Presidency meeting; Special court law awaits political agreement

Mbledhja e Kryesisë së Kuvendit ka dështuar të mbahet të martën për shkak të mungesës së kuorumit. Këtë e bëri…

1 minute ago

British ambassador received by the Commission on Security and Defence Affairs

Në cilësinë e kryetarit të Komisionit Parlamentar për Çështjet e Sigurisë dhe Mbrojtjes, Mefail Bajqinovci, së bashku me anëtarët e…

1 minute ago

VITA asks the prosecution to investigate aflatoxin concerns, says it has not received results from more than 30 inspections

Qumështorja VITA ka reaguar pas dyshimeve të fundit për tejkalim të nivelit të lejuar të aflatoksinës M1 në një lot…

2 minutes ago