Categories: maqedoni

Qeveria aprovoi ribalancin e buxhetit për vitin 2026

Me propozim të Ministrisë së Financave, Qeveria e RMV-së miratoi sot ndryshimet dhe plotësimet e buxhetit për vitin 2026, duke përshtatur projeksionet buxhetore me zhvillimet aktuale ekonomike dhe duke siguruar mjete shtesë për përmbushjen e prioriteteve zhvillimore të shtetit.

Në një konferencë për shtyp të mbajtur në Qeveri, ministrja e Financave, Gordana Dimitrieska-Koçoska, deklaroi se ribalanci është hartuar në rrethana të pasigurta ekonomike dhe gjeopolitike globale, të nxitura nga rritja e çmimeve të energjensave, lëvizjet në tregjet ndërkombëtare dhe konfliktet në rajone të caktuara. Sipas saj, pavarësisht këtyre sfidave, ekonomia maqedonase po tregon qëndrueshmëri dhe vazhdon të mbajë trende pozitive.

Të lidhura

None found

Ajo bëri të ditur se me ribalancin të ardhurat e përgjithshme rishikohen në 379.2 miliardë denarë në raport me buxhetin fillestar për vitin 2026, ndërsa të ardhurat tatimore mbeten pothuajse në nivelin e planifikuar fillestar dhe projektohen në 213.2 miliardë denarë.

“Me anë të ribalancit sigurojmë stabilitet të financave publike, por njëkohësisht krijojmë hapësirë për më shumë investime, aktivitet më të madh ekonomik dhe shërbime më cilësore për qytetarët. Edhe në kushte të pasigurisë globale, mbetemi të përkushtuar ndaj menaxhimit të përgjegjshëm të mjeteve publike dhe mbështetjes së zhvillimit”, theksoi Dimitrieska-Koçoska.

Në anën e shpenzimeve, ministrja sqaroi se shpenzimet e përgjithshme janë rishikuar në 425.2 miliardë denarë. Krahasuar me nivelin e planifikuar në fillim, mjetet shtesë do të orientohen drejt prioriteteve të përcaktuara qartë, përfshirë subvencionet bujqësore, mbështetjen e transportit hekurudhor, sportin, standardin e studentëve dhe nxënësve, si edhe ndihmën shtesë për kategoritë e qytetarëve në nevojë përmes kompensimeve sociale, kuzhinave popullore dhe masave të deinstitucionalizimit. Deficiti buxhetor është rishikuar në 46.1 miliardë denarë ose 4.1% të PBB-së.

Sipas Dimitrieska-Koçoskës, për herë të parë rritja e deficitit vjen kryesisht si pasojë e rritjes së shpenzimeve kapitale dhe investimeve infrastrukturore.

“Është veçanërisht e rëndësishme që ndryshimi i buxhetit të sigurojë mjete shtesë për investimet kapitale. Ato arrijnë rreth 46 miliardë denarë dhe rriten për rreth 5.8 miliardë denarë ose për 14.5% krahasuar me buxhetin fillestar. Nuk po flasim për deficitin që financon konsumin aktual, por për atë që financon zhvillimin”, theksoi Dimitrieska-Koçoska.

Shtesa e fondeve do të përdoret për realizimin e projekteve kapitale me rëndësi strategjike për shtetin, si ndërtimi i Korridorit 8 dhe Korridorit 10d, autostrada Shkup – Bllacë, ndërtimi i Korridorit hekurudhor VIII, investimet në sistemet e ujësjellësit dhe kanalizimit, stacionet e trajtimit të ujërave të zeza, sistemet e menaxhimit të mbeturinave, projektet për efikasitet energjetik, ndërtimi dhe rikonstruimi i shkollave, çerdheve dhe konvikteve studentore, si dhe investimet në zhvillimin rural dhe modernizimin e bujqësisë.

Ministrja nënvizoi gjithashtu se do të ketë rritje të ndjeshme të mjeteve edhe për projektet kapitale në komuna, përmes investimeve në infrastrukturën lokale rrugore dhe komunale, si dhe në objektet arsimore dhe sportive, me synimin për të siguruar zhvillim të barabartë rajonal dhe cilësi më të mirë jetese për qytetarët në të gjithë vendin.

Deficiti buxhetor dhe detyrimet për shlyerjen e borxhit, në vlerë të përgjithshme prej 76.4 miliardë denarësh, do të mbulohen përmes një kombinimi të huamarrjes së brendshme dhe të jashtme. Nga kjo shumë, mbi 54 miliardë denarë janë paraparë për servisimin e rregullt të detyrimeve ndaj kreditorëve të huaj, ndërsa rreth 20 miliardë denarë për shlyerjen e borxhit të brendshëm.

të fundit

Pse duhet ta aktivizoni kondicionerin e automjetit edhe në vjeshtë e dimër?

Kondicionerin në veturë zakonisht e lidhim me muajt e verës, pasi pa të do ta kishim shumë të vështirë t'i…

57 seconds ago

MINTI nis fushatën “Dhuro Made in Kosova” për promovimin e produkteve vendore

Ministria e Industrisë, Ndërmarrësisë, Tregtisë dhe Inovacionit ka lansuar kampanjën “Dhuro Made in Kosova”, me qëllim të promovimit të produkteve…

4 minutes ago

Lara Kolturi bën histori për Shqipërinë: 20-vjeçarja fiton garën e Kupës së Botës në ski

Lara KolturiPas një serie podiumesh, skiatorja italiane, por që përfaqëson Shqipërinë në këtë sport, Lara Kolturi ia ka dalë mbanë…

13 minutes ago

Inteligjenca artificiale do të shuajë shumë profesione – çfarë duhet të studiojnë brezat e rinj?

AI-ja do të zhdukë shumë profesione. Çfarë duhet të studiojnë gjeneratat e reja? — Klan Kosova [...]Read More...

17 minutes ago

Malisheva përmbys Dukagjinin dhe rikthehet te fitorja

Malisheva ka fituar me rezultat 2-1 në shtëpi ndaj Dukagjinit në ndeshjen e vlefshme për javën e 14-të në Albi…

19 minutes ago

Protesta para Ministrisë së Arsimit/ Policia krijon kordon sigurie, nuk lejon bllokimin e rrugës

Këtë të shtunë, studentë dhe qytetarë janë mbledhur në protestë para Ministrisë së Arsimit, në Rrugën e Durrësit, ku kërkojnë…

22 minutes ago