Categories: maqedoni

Objekti i ndërtimit në oborrin e shkollës “Kirili e Metodij” në Tetovë shndërrohet gjatë natës në vendtakim për përdoruesit e drogës

Hapësira që ishte parashikuar të shërbente si strehë për punëtorët e angazhuar në ndërtimin e pishinës, është kthyer në një vend ku, sipas mbetjeve të gjetura, përdoren lloje të ndryshme droge. Objekti i vogël ndodhet në oborrin e shkollës fillore “Kirili e Metodij” në Tetovë.

Rreziku për nxënësit shtohet edhe për shkak se hapësira nuk është rrethuar apo izoluar nga pjesa tjetër e shkollës, ndërsa të hapura kanë mbetur edhe gropat e pishinës. Drejtoresha deklaron se rastin e ka denoncuar në polici, por nga SPB Tetovë mohojnë se kanë marrë një raportim të tillë.

Të lidhura

None found

Drejtoresha e shkollës, Sihana Kaba Kasami, tha se përmes kamerave të sigurisë monitoron gjithçka, por për situatën është informuar nga mediat.

Gazetari: A e keni denoncuar rastin në polici dhe a keni ndërmarrë masa për izolimin e objektit, duke qenë se ai ndodhet në oborrin e shkollës?

“Objekti është në oborrin e shkollës sonë, por ne nuk kemi më kompetenca mbi atë pjesë, pasi ajo i është dorëzuar investitorit. Për rrjedhojë, përgjegjësia i takon investitorit dhe nuk është më nën kujdesin tonë. Edhe unë, njësoj si ju, e kam parë atë incizim”, u përgjigj Sihana Kaba Kasami, drejtoreshe e Sh.F. “Kirili e Metodij”.

“Në Sektorin e Punëve të Brendshme në Tetovë, gjatë javës së kaluar, por edhe më herët, nuk ka pasur raportim zyrtar për një rast të tillë”, deklaroi Fatmir Rexhepi, zëdhënës i SPB Tetovë.

Kasami tha gjithashtu se gjatë ditës në shkollë qëndrojnë dy policë, të cilët kujdesen për procesin mësimor dhe lëvizjen e nxënësve gjatë pushimit të gjatë.

“Gjatë ditës kemi edhe sigurim. Dy policë janë të shpërndarë në shkollën tonë dhe ndjekin zhvillimin e procesit mësimor, si dhe lëvizjen e nxënësve gjatë pushimit të gjatë”, u shpreh drejtoresha Kasami.

Policia e mohoi edhe këtë deklaratë, duke sqaruar se nuk ka pjesëtarë të angazhuar posaçërisht për shkollën “Kirili e Metodij”.

“Nuk ka policë të caktuar enkas për një shkollë të vetme. Kur në një zonë ndodhen dy shkolla, pjesëtarët e policisë patrullojnë ose mbulojnë të dyja objektet”, tha Fatmir Rexhepi, zëdhënës i SPB Tetovë.

Ndjenja e pasigurisë te nxënësit shtohet edhe nga parkimi i automjeteve të punonjësve brenda oborrit të shkollës, ku lëvizin nxënësit e arsimit fillor./Alsat.mk.

të fundit

Arta Bajrami bën deklaratën befasuese: Dafina Zeqirin e shoh si rivale në muzikë

Këngëtarja e njohur shqiptare, Arta Bajrami, ka qenë së fundmi e ftuar në emisionin “Live me Luizin”, ku ka folur…

17 minutes ago

Klafuriç “ndez” tifozët bardheblu: “Mjafton të mos humbasësh”, Tirana sërish te hallet e vjetra

Dean KlafuriçPas barazimit të “bardhë” me Vorën në javën e 12-të të Abissnet Superiores, 0 - 0, trajneri i Tiranës,…

20 minutes ago

Ekzekutivi kosovar përkujton 118-vjetorin e Kongresit të Manastirit

Qeveria e Republikës së Kosovës ka kujtuar 118-vjetorin e Kongresit të Manastirit. Në një njoftim për media, ekzekutivi kosovar ka…

25 minutes ago

Rama zhvillon takim me bashkëkryetarët e VLEN-it, Kasami: Përkushtim për forcimin e lidhjeve me Shqipërinë dhe Kosovën

Bashkëkryetari i VLEN, Bilall Kasami, së bashku me bashkëkryetarin tjetër Izet Mexhiti, u takuan me kryeministrin e Shqipërisë, Edi Rama.Sipas…

26 minutes ago

Ilir Meta nga paraburgimi 313: Euro ra në 89 lekë, por buxheti 2027 u llogarit me 96 lekë; qeveria po mashtron me “10 miliardë euro”

Ilir Meta ka reaguar nga paraburgimi 313 lidhur me kursin e euros dhe buxhetin e vitit 2027, duke akuzuar qeverinë…

27 minutes ago

Takimi Ahmeti-Rama: Diskutime për bashkëpunimin ndërmjet dy shteteve, integrimin evropian dhe çështjet me interes të përbashkët për shqiptarët

Kryetari i Bashkimit Demokratik për Integrim, Ali Ahmeti, ka zhvilluar një takim me kryeministrin e Shqipërisë, Edi Rama. Ahmeti bëri…

27 minutes ago