Ministria e Punëve të Brendshme e Maqedonisë bëri të ditur se gjatë 24 orëve të fundit janë privuar nga liria nëntë persona në pjesë të ndryshme të vendit, pasi gjatë kontrolleve policore u janë gjetur lëndë narkotike. Po ashtu, gjatë një kontrolli në Burgun e Idrizovës, te një i dënuar janë zbuluar lëndë pluhurore e bardhë dhe tableta.
None found
Sipas MPB-së, më 29/30.06.2026 në Shkup, në disa lokacione, efektivët e SPB Shkup arrestuan D.G. (29) dhe V.B. (30), të dy nga Shkupi, një 16-vjeçar nga rrethina e Shkupit dhe S.A. (25) nga Turqia, me qëndrim në Shkup. Gjatë kontrolleve, te ata u gjetën dhe u sekuestruan substancë e ngurtë e bardhë, marihuanë dhe një thikë.
Më 29.06.2026, në orën 16:00, SPB Shkup u njoftua nga Institucioni Ndëshkimor-Përmirësues Burgu Idrizovë se gjatë kontrollit të të dënuarit M.A. (53) nga Shkupi, i cili ishte kthyer nga dalja me leje, atij iu gjetën lëndë pluhurore e bardhë dhe tableta.
Në Pikën Kufitare Tabanoc, më 29.06.2026 në orën 10:00, në hyrje të shtetit, policia arrestoi R.F. (26) nga Gjermania. Gjatë kontrollit kufitar dhe verifikimit të një automjeti udhëtarësh me targa gjermane, me të cilin ai kishte udhëtuar, në bagazhin e tij personal u gjet dhe u sekuestrua marihuanë.
Po atë ditë, në orën 16:00 në Kavadarc, nëpunësit policorë të SPB Kavadar privuan nga liria S.M. (44) dhe K.Ç. (44), të dy nga Kavadarci. Ata ndaluan një automjet pasagjerësh “Fiat” me targa të Kavadarit, të cilin e drejtonte S.M., ndërsa K.Ç. ndodhej si pasagjer. Gjatë kontrollit, te S.M. u gjetën dhe u konfiskuan lëndë pluhurore e bardhë dhe marihuanë.
Në Negotinë, më 30.06.2026 në orën 01:30, policia e SPB Negotinë ndaloi një 17-vjeçar nga ky qytet, pasi gjatë kontrollit atij iu gjet dhe iu sekuestrua marihuanë.
Ndërkaq, më 29.06.2026 në orën 20:30, në kryqëzimin e rr. “Boris Kidriç” dhe rr. “Bllagoja Toska” në Tetovë, nëpunësit policorë të SPB Tetovë arrestuan B.SH. (23) nga fshati Leshok, rrethina e Tetovës. Gjatë kontrollit të automjetit të tij, në ulësen e pasme u gjetën dhe u sekuestruan marihuanë, thërrmuese, shkop bejsbolli dhe grusht metalik, njoftojnë nga MPB.
Nga ministria shtojnë se pas dokumentimit të plotë të të gjitha rasteve do të dorëzohen kallëzimet përkatëse.
Pas një periudhe të gjatë të ngërçit institucional dhe përplasjeve politike, Kosova duhet të përqendrohet në konsolidimin e institucioneve, zhvillimin…
Kryetari i Partisë Demokratike, Sali Berisha, ka akuzuar kryeministrin Edi Rama se, përmes reformës së re territoriale, ka goditur qeverisjen…
Ministri për Marrëdhënie ndërmjet Bashkësive, Agon Ferati, ka marrë pjesë në Balkan Business Forum në Tiranë, ku ka theksuar rëndësinë…
Sindikata e Policisë së Kosovës ka shprehur ngushëllime për ndarjen nga jeta të punonjësit policor Afrim Syla. Përmes një telegrami…
Ministri i Infrastrukturës dhe Transportit, Dimal Basha, priti në takim Ambasadoren e re të Zvicrës në Kosovë, znj. Anne-Lise Cattin…
Deputetja e PD, Jorida Tabaku, ka kritikuar mënyrën se si qeveria administron pronat publike, duke kërkuar që marrëveshjet për zhvillimin…